ଭୁବନେଶ୍ୱର: ଦିନକୁ ଦିନ ଅସୁରକ୍ଷିତ ହେବାରେ ଲାଗିଛି ରାଜଧାନୀ । ବଢ଼ୁଛି ଅପରାଧିକ କାର୍ଯ୍ୟକଳାପ । ଆଇନ ବ୍ୟବସ୍ଥାକୁ ବେଖାତିର କରି ଅପରାଧିମାନେ ବେଧଡ଼କ ଅପରାଧ କରୁଛନ୍ତି । ଦିନ ଦିପ୍ରହରେ ମଧ୍ୟ ଗୋଡେଇ ଗୋଡେଇ ହାଣିବାକୁ ସଂକୋଚ କରୁନାହାନ୍ତି । ଏହାରି ଭିତରେ ସହୀଦନଗର ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ରାତିଅଧରେ ବୁଲିଲା ବହ୍ଲା, ଲୁହା ରଡ୍ । ପୂର୍ବ ଶ୍ରତୁତାକୁ କେନ୍ଦ୍ରକରି ସହିଦନଗର ଅଞ୍ଚଳର ଦୁଇ ଗୋଷ୍ଠୀ ମଧ୍ୟରେ ବିବାଦ ଲାଗି ରହିଥିଲା ବୋଲି ଜଣାପଡିଥିବାବେଳେ ମୁହାଁମୁହିଁ ଯୋଗୁଁ ୫ରୁ ଊର୍ଧ୍ବ ଆହତ ହୋଇଛନ୍ତି । ଏହି ଘଟଣା ଦେଖି ସ୍ଥାନୀୟ ଅଞ୍ଚଳରେ ଖେଳିଗଲା ଆତଙ୍କ । ଏନେଇ ଉଭୟ ପକ୍ଷରୁ ଅଭିଯୋଗ କରାଯାଇଛି । ପୁଲିସ ପୃଥକ ପୃଥକ ଦୁଇଟି ମାମଲା ରୁଜୁକରି ଘଟଣାର ତଦନ୍ତ କରିବା ସହ ଜଣଙ୍କୁ ଅଟକ ରଖି ପଚରା ଉଚରା କରୁଛି ।
