ଗଞ୍ଜାମ / ରଜନୀକାନ୍ତ ପାତ୍ର : ଷ୍ଟୋନ କ୍ରଶରରେ ଚଢାଉ କଲା ଇନକମ ଟ୍ୟାକ୍ସ ଟିମ । ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ତହସିଲ ଅଧିନ ଅରଖପୁର ସ୍ଥିତ ଶ୍ରୀ ବାଲାଜୀ ଷ୍ଟୋନ କ୍ରଶରରେ ଆଜି ଅଚାନକ ଏକ ଇନକମ ଟ୍ୟାକ୍ସ ଟିମ ଚଢ଼ାଉ କରିଛି । ଏହି ଚଢ଼ାଉରେ ବହୁ ଅଧିକାରୀ ସାମିଲ ହୋଇଥିବା ବେଳେ ଆଜି ସକାଳୁ ଠାରୁ ଏହି ଚଢ଼ାଉ ଜାରିରହିଥିବା ସୂଚନା ମିଳିଛି । ଇନକମ ଟ୍ୟାକ୍ସ ଅଧିକାରୀ ମାନେ କ୍ରସରରେ ଚଢ଼ାଉ ବେଳେ କ୍ରସର କର୍ମଚାରୀ କିମ୍ବା ସରକାରୀ କାଗଜ ପତ୍ରରେ ରହିଥିବା ମାଲିକ ନିୟୁଲି ଏନ ଲିଷ୍ଟେଡ଼ ପାର୍ଟନର କୃପାସିନ୍ଧୁ ମୁଦୁଲି ଓ କୃଷ୍ଣଚନ୍ଦ୍ର ବେହେରାଙ୍କ ଦେଖା ମିଳିନାହିଁ । ତେବେ ଆୟାକର ଫାଙ୍କିବା ଅଭିଯୋଗରେ ଆଜି ଇନକମ ଟ୍ୟାକ୍ସର ଚାରୋଟି ଟିମ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ ଜାରିରଖିଥିବା ସୂଚନା ମିଳିଛି । ଏହି ଚଢ଼ାଉ ନେଇ ଇନକମ ଟ୍ୟାକ୍ସ ଅଧିକାରୀ ପ୍ରତିକ୍ରିୟା ରଖିବାକୁ ସିଧାସଳଖ ମନାକରିଛନ୍ତି ।
