(ରିପୋର୍ଟସ ଟୁଡ଼େ)ନୂଆଦିଲ୍ଲୀ: ମାଲେସିଆକୁ ‘ତେଜସ’ ବିକ୍ରି କରିବ ଭାରତ । ସ୍ୱଦେଶ ଜ୍ଞାନକୌଶଳରେ ନିର୍ମିତ ହାଲୁକା ଯୁଦ୍ଧ ବିମାନ ‘ତେଜସ’କୁ ଭାରତ ବିକ୍ରି କରିବାକୁ ଯୋଜନା କରୁଥିବା ଜଣାପଡ଼ିଛି। ତେଜସ ଯୁଦ୍ଧ ବିମାନକୁ ଲାଙ୍ଗକାୱି ଇଣ୍ଟରନ୍ୟାଶନାଲ ମାରିଟାଇମ ଓ ଏରୋସ୍ପେସ ଏକଜିବିଶନ୍(ଏଲଆଇଏମ୍ଏ)ରେ ପ୍ରଦର୍ଶିତ କରାଯିବ। ମ୍ୟାଲେସିୟା ସରକାର ନିଜ ଦେଶର ବାୟୁସେନା ପାଇଁ ତେଜସ ବିମାନ କିଣିବାକୁ ଚାହୁଁଥିବାରୁ, ପ୍ରଥମେ ଏହାକୁ ସର୍ବସାଧାରଣରେ ପ୍ରଦର୍ଶନ କରାଯିବ। ମାର୍ଚ୍ଚ ୨୬ରେ ଆରମ୍ଭ ହେବାକୁ ଥିବା ପ୍ରଦର୍ଶନୀ
କାର୍ୟ୍ୟକ୍ରମ ପାଇଁ ଆଜି ଦୁଇଟି ତେଜସ ବିମାନ ଏକ ୫୦ ଜଣିଆ ଟିମ୍ ସହ କ୍ୱାଲାଲମପୁରରେ ପହଞ୍ଚିଛନ୍ତି। ପ୍ରଦର୍ଶନୀ କାର୍ୟ୍ୟକ୍ରମରେ ତେଜସ ସହ ଚୀନ୍-ପାକ୍ ନିର୍ମିତ ଜେଏଫ-୧୭ ଓ କୋରିଆ ନିର୍ମିତ ଏଫ୍/ଏ-୫୦ ଯୁଦ୍ଧ ବିମାନ ମଧ୍ୟ ସାମିଲ ହେବ। ତେବେ ତେଜସ ସମସ୍ତଙ୍କୁ ଅଧିକ ଆକର୍ଷିତ କରିବ ବୋଲି ମ୍ୟାଲେସିୟାରେ ଅବସ୍ଥାପିତ ଭାରତୀୟ ହାଇକମିଶନର ଅନିରୁଦ୍ଧ ଚୌହାନ କହିଛନ୍ତି।
