ନୂଆଦିଲ୍ଲୀ: ଭାରତ ଓ ପାକିସ୍ତାନ କ୍ରିକେଟ୍ ମ୍ୟାଚ୍ ଦେଖିବା ପାଇଁ କ୍ରିକେଟ୍ ପ୍ରେମୀଙ୍କ ମଧ୍ୟରେ ସବୁବେଳେ ଖୁବ୍ ଉତ୍ସାହ ରହିଥିବାବେଳେ ପୁଣି ରବିବାର ଶ୍ରୀଲଙ୍କାର ରାଜଧାନୀ କଲମ୍ବୋରେ ଭାରତ ଓ ପାକିସ୍ତାନ ଟକ୍କର ଦେଖିବାକୁ ମିଳିବ । କଲମ୍ବୋର ଆର୍ ପ୍ରେମାଦାସା ଷ୍ଟାଡିୟମ୍ରେ ଏହି ମ୍ୟାଚ୍ ଖେଳାଯିବ । ପାକିସ୍ତାନ ଏବଂ ଶ୍ରୀଲଙ୍କାରେ ଖେଳାଯାଉଥିବା ଏସିଆ କପ୍ ଟୁର୍ଣ୍ଣାମେଣ୍ଟର ଲିଗ୍ ପର୍ୟ୍ୟାୟ ଶେଷ ହୋଇସାରିଛି । ବର୍ତ୍ତମାନ ସୁପର-୪ ଷ୍ଟେଜର ମ୍ୟାଚ୍ ଜାରି ରହିଛି। ପ୍ରଥମ ମ୍ୟାଚରେ ପାକିସ୍ତାନ ବାଂଲାଦେଶକୁ ହରାଇ ସାରିଥିବାବେଳେ ଏବେ ସୁପର-୪ର ସମସ୍ତ ମ୍ୟାଚ୍ କଲମ୍ବୋରେ ଖେଳାଯିବ । କିନ୍ତୁ କଲମ୍ବୋର ପାଣିପାଗ ରିପୋର୍ଟ ଅନୁସାରେ ଆସନ୍ତା ସେପ୍ଟେମ୍ବର ୧୭ ତାରିଖ ପର୍ୟ୍ୟନ୍ତ ପ୍ରବଳ ବର୍ଷା ର ସମ୍ଭାବନା ରହିଛି । ତେବେ ଭାରତ ଓ ପାକିସ୍ତାନ ଖେଳ ଉପରେ ସମସ୍ତଙ୍କର ନଜର ରହିଥିବାବେଳେ ଏମିତି ପାଗରେ ସେହିଦିନ ଯଦି ଖେଳ ଉପରେ ପ୍ରଭାବ ପକାଏ ତେବେ କେଉଁ ଟିମ୍ ଫାଇନାଲ ଖେଳିବେ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା।
