ଭୁବନେଶ୍ୱର: ବନ୍ଧା ହେଲା କଂସ ମାମୁ । ଭାଣିଜୀକୁ ହତ୍ୟା କରିବା ଅଭିଯୋଗରେ ମାମୁଁକୁ ଗିରଫ କଲା ଇନ୍ଫୋସିଟି ଥାନା ପୋଲିସ । ହତ୍ୟା କରିବା ପରେ ପ୍ରମାଣ ନଷ୍ଟ ପାଇଁ ଭାଣିଜୀର ମୃତ ଦେହକୁ ଏକ ପରିତ୍ୟକ୍ତ ଘରେ ଫିଙ୍ଗି ଦେଇଥିଲା । ଗିରଫ ଅଭିଯୁକ୍ତ ହେଲା ଶୁକଲାଲ ସଏ ଓ ନରେନ୍ଦ୍ର ସିଂ,ଉଭୟଙ୍କ ଘର ନନ୍ଦନ ବିହାର ।ଉଭୟ ମାମୁ ଓ ହତ୍ୟା ରେ ସହଯୋଗ କରିଥିବା ସହଯୋଗୀ କୁ ଗିରଫ କଲା ପୋଲିସ । ମୃତକ ହେଲେ ମାମା ସଏ,ବୟସ ୧୩ ।ଚଳିତ ମାସ ୧୧ ତାରିଖରେ ଘଟିଥିଲା ଏହି ହତ୍ୟାକାଣ୍ଡ । ଇନ୍ଫୋସିଟି ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଥିବା ବେଳେ ଏବେ ସେହି କେଶ ରେ ହତ୍ୟା ମାମଲା ରୁଜୁ କରି ଦୁଇ ଜଣଙ୍କୁ ଗିରଫ କରିଛି ।
