ରାଇରଙ୍ଗପୁର / ସତ୍ୟ ନାରାୟଣ ପାଲ : ନିଖିଳ ଉତ୍କଳ ପ୍ରାଥମିକ ଶିକ୍ଷକ ଫେଡେରେସନ ତରଫରୁ ଶତାଧିକ ଶିକ୍ଷକ ଓ ଶିକ୍ଷୟିତ୍ରୀ ରାଇରଙ୍ଗପୁର ବ୍ଳକ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ୟ୍ୟାଳୟରେ ଜିଲ୍ଲା କାର୍ୟ୍ୟକାରୀ ସଭାପତି ଅନିଲ ମହାନ୍ତିଙ୍କ ନେତୃତ୍ବରେ ପହଞ୍ଚି ବିଭିନ୍ନ ଦାବି ନେଇ ପ୍ରତିବାଦ କରିଥିଲେ । ସେମାନଙ୍କ କହିବା ଅନୁଯାୟୀ ୨୦୨୨ ନଭେମ୍ବର ମାସ ୨୭ ତାରିଖରେ ଭୂବନେଶ୍ବରରେ ପ୍ରାଥମିକ ଶିକ୍ଷକଙ୍କ ଦାବିନେଇ ଲକ୍ଷାଧିକ ଶିକ୍ଷକ/ ଶିକ୍ଷୟତ୍ରୀ ଆନ୍ଦୋଳନ କରିଥିଲେ ।ମୁଖ୍ୟ ସଚିବଙ୍କ ପତ୍ର ସଂଖ୍ୟା ୧୦୯ ସିଂ ତା ୩୦/୧୦/୨୦୨୨ ତାରିଖ ଅନୁଯାୟୀ ଶିକ୍ଷକ ପ୍ରତିନିଧି ମାନଙ୍କ ସହ ଆଲୋଚନା କରି ଦାବି ଗୁଡ଼ିକ ପୂରଣ ପାଇଁ ପ୍ରତିଶୃତି ଦେଇଥିଲେ ।ହେଲେ ଦିର୍ଘ ୮ ମାସରୁ ଉର୍ଦ୍ଧ୍ବ ହେଲା ଏ ଯାଏଁ ସରକାର ଦାବି ଗୁଡ଼ିକ ପ୍ରତି ଅଣଦେଖା କରି ଆସୁଛନ୍ତି । ତେଣୁ ପୁନଃ ଦାବି ପୂରଣ କରିବା ଦିଗରେ ପଦକ୍ଷେପ ନେବାକୁ ଆସନ୍ତା ଅଗଷ୍ଟ ୧୬ ତାରିଖରୁ ଓଡ଼ିଶାର ସମସ୍ତ ବର୍ଗର ପ୍ରାଥମିକ ଶିକ୍ଷକ ମାନେ ସମୂହ ଛୁଟିରେ ରହିବାକୁ ବାଧ୍ୟ ହେବେ ବୋଲି ଏକ ଲିଖିତ ଦାବିପତ୍ର, ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ରାଇରଙ୍ଗପୁର ବିଇଓଙ୍କ ଅନୁପସ୍ଥିତିରେ ଏବିଇଓ ଶ୍ରୀମତୀ ନମିତା ସେଠୀ ଏବଂ ଏବିଇଓ ରତ୍ନାକର ମହାନ୍ତିଙ୍କୁ ପ୍ରଦାନ କରିଛନ୍ତି ।
ଦାବୀ ସମୂହ ହେଲା ଠିକା ନିଯୁକ୍ତି ଉଚ୍ଛେଦ କରି କନିଷ୍ଠ ଶିକ୍ଷକ ମାନଙ୍କୁ ନିୟମିତ କରିବା, ସହିତ ଶିକ୍ଷା କର୍ମି ଓ ଶିକ୍ଷା ସହାୟକଙ୍କ ଠିକା କାର୍ୟ୍ୟ ସମୟକୁ ନେସନାଲ ଇନକ୍ରିମେଣ୍ଟ ପ୍ରଦାନ କରି ମୂଳ ଚାକିରୀରେ ଗଣନା କରିବା ସହିତ କ୍ୟାଡ଼ର ଶିକ୍ଷକ ,କଳା ଓ କ୍ରୀଡ଼ା ଶିକ୍ଷକମାନଙ୍କୁ ନିୟମିତ ଶିକ୍ଷକର ମାନ୍ୟତା , ସମସ୍ତ ବର୍ଗର ପ୍ରାଥମିକ ଶିକ୍ଷକମାନଙ୍କୁ କେନ୍ଦ୍ରୀୟ ହାରରେ ଦରମା ପ୍ରଦାନ ( ମୂଳ ବେତନ ଲେଭେଲ ୯ ଗ୍ରେଡ ପରେ ୪୨୦୦ ଅନୁଯାୟୀ ) ପ୍ରଦାନ କରାଯାଉ,ପୁରୁଣା ପେନସନ ପ୍ରଥା ଚାଲୁ କରିବା ଇତ୍ୟାଦି ।
ଏହି ଆନ୍ଦୋଳନରେ ଶିକ୍ଷକ ନେତା ଅଜିତ ମହାନ୍ତ,ପୁରୁଷୋତ୍ତମ ମହାନ୍ତ,ରୁଦ୍ର ବିହାରୀ ଗିରି,ପ୍ରତିକ ମିଶ୍ର,ସମିର ବିନ୍ଧାଣି,ପ୍ରଶାନ୍ତ ଶତପଥୀ,ଅଜିତ ମଣ୍ଡଳ,ଆଶିଷ ମଣ୍ଡଳ,ରଶ୍ମୀଶ୍ରୀ ମହାନ୍ତି,ବାଲୁକେଶ୍ବର ସେଠୀ,ସମୟ ଦତ୍ତ ସମେତ ବହୁ ଶିକ୍ଷକ / ଶିକ୍ଷୟତ୍ରୀ ସାମିଲ ହୋଇଥିଲେ ।