ଭୁବନେଶ୍ୱର: ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଗିରଫ ହେଲେ ଜେଲ ବାବୁ । ଝାରପଡ଼ା ଜେଲର ପୂର୍ବତନ ଅଧୀକ୍ଷକ ସତ୍ୟପ୍ରକାଶ ସ୍ବାଇଁ ଗିରଫ । ରେଡ୍ ବେଳେ ଭୁବନେଶ୍ୱର ଝାରପଡାରେ ଦେଢ଼ କୋଟି ଟଙ୍କାର ଦାମୀ ତିନିମହଲା ଘର, ଭୁବନେଶ୍ୱର, ବଲାଙ୍ଗୀର ସହ ବିଭିନ୍ନ ଜାଗାରେ ୪ଟି ଦାମୀ ପ୍ଲଟ ସହ ୧୫ଲକ୍ଷର ଦାମୀ ଇଣ୍ଟେରିଅର ଠାବ କରିଥିଲା ଭିଜଲାନ୍ସ ।
ଏହା ସହ ୧୦ ଲକ୍ଷ ଟଙ୍କାର ସୁନା ଅଳଙ୍କାର ଓ ୬ ଲକ୍ଷ ଟଙ୍କାର ବ୍ୟାଙ୍କ ଜମା ମଧ୍ୟ ରେଡ ବେଳେ ମିଳିଥିଲା । ଝାରପଡା ଜେଲର ସୁପରିନଟେଣ୍ଡେଣ୍ଟ ଥିବା ବେଳେ ବିଚାରଧୀନ କଏଦୀଙ୍କୁ ଟଙ୍କା ମାଗିବା ସହ ଶାରୀରିକ ନିର୍ଯାତନା ଦେବା ଅଭିଯୋଗ ଆସିଥିଲା । ସତ୍ୟପ୍ରକାଶଙ୍କ ନାରେ ଏନେଇ ଜେଲର ଜଣେ ବିଚାରଧୀନ କଏଦୀ ଭିଜଲାନ୍ସ ନିର୍ଦେଶକଙ୍କୁ ଚିଠି ଲେଖିବା ଖବର ସାମ୍ନାକୁ ଆସିଥିଲା