ଭୁବନେଶ୍ୱର– ପୋଲିସ ହାତରେ ଧରାପଡିଲା ବଡଧରଣର ଚୋରଣୀ । ଦିଲ୍ଲୀରୁ ଚୋରି କରି ଭୁବନେଶ୍ୱର ରାଜମହଲ ଛକରେ ଲୁଚିଥିଲା ଚୋରଣୀ ଯୁବତୀ ।ତାଙ୍କ ଠାରୁ କୋଟିଏ ଟଙ୍କାର ହୀରା ଓ ସୁନା ଜବତ କରିଛି ପୋଲିସ । କ୍ୟାପିଟାଲ ଥାନା ସହୟତାରେ ମହିଳାଙ୍କୁ ଗିରଫ କଲା ଦିଲ୍ଲୀର ମେହେରୁଲି ଥାନା ପୋଲିସ । ପୋଲିସର ସୂଚନା ଅନୁସାରେ ସାଲିଆ ସାହିର ଜଣେ ମହିଳା ଦିଲ୍ଲୀର ଦ୍ଵାରିକା ଜଣେ ପ୍ରତିଷ୍ଠିତ ଲୋକ ଶ୍ୟାମଲାଲଙ୍କ ଘରେ ଚାକରାଣୀ କାମ କରୁଥିଲେ। କିଛି ଦିନ ତଳେ ଘର ମାଲିକ ଜଣକ ପରିବାର ଲୋକଙ୍କ ସହ ବିବାହ ଭୋଜିରେ ଯାଇଥିଲେ। ଏହାର ସୁଯୋଗ ନେଇ ହୀରା ଓ ସୁନା ଚୋରି କରି ଭୁବନେଶ୍ୱର ଆସି ରାଜମହଲର ଏକ ହୋଟେଲରେ ଲୁଚି ଥିଲେ। ଏ ନେଇ ଘର ମାଲିକ ଜଣକ ଦିଲ୍ଲୀ ଏକ ଥନରେ ଏତଲା ଦେଇଥିଲେ। ପୋଲିସ ତଦନ୍ତ ବେଳେ ଜାଣିବାକୁ ପାଇଲା ମହିଳା ଜଣକ ଭୁବନେଶ୍ୱର ଅଛନ୍ତି। ଏ ନେଇ କମିଶନରେଟ ପୋଲିସକୁ ଅବଗତ କରିଥିଲା। କ୍ୟାପିଟାଲ ପୋଲିସ ସହାୟତାରେ ମହିଳା ଜାଣକୁ ଗିରଫ କରିଛି ଦିଲ୍ଲୀ ୩ଜଣିଆ ପୋଲିସ ଟମ। ତେବେ ତଦନ୍ତ ବେଳେ ମହିଳା ଜଣଙ୍କର ଜଣେ ପୁରୁଷ ବନ୍ଧୁ ଥିବା ଜଣା ପଡ଼ିଛି । ଯୁବଜ ଜଣକ ଫେରାର ଅଛନ୍ତି। ମହିଳା ଜାଣଙ୍କୁ ଟ୍ରାଞ୍ଜିଟ୍ ରିମାଣ୍ଡରେ ନେଇଛି ଦିଲ୍ଲୀ ପୋଲିସ।