ବିଳାସପୂର୍ଣ୍ଣ କାର କିଣି ଚର୍ଚ୍ଚାରେ କଙ୍ଗନା

(ମୁମ୍ବାଇ) : ସବୁବେଳେ ନିଜର ବିବାଦୀୟ ବୟାନ ପାଇଁ ଚର୍ଚ୍ଚାରେ ରହିଆସିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରଣାୱତ।ଆଜିକାଲି ସେ ତାଙ୍କର ନୂଆ ଫିଲ୍ମ ‘ଧାକଡ’ କୁ ନେଇ ଆଲୋଚନାରେ ଅଛନ୍ତି। ଏହି ଫିଲ୍ମ ରିଲିଜ୍ ହେବା ପୂର୍ବରୁ କଙ୍ଗନା ଏକ ବ୍ରାଣ୍ଡ୍ ନୂଆ କାର୍ କିଣିଛନ୍ତି, ଯାହାର ଭିଡିଓ ସାମ୍ନାକୁ ଆସିଛି।

 ସେ ଅଭିନୟରୁ ନେଇ ନିର୍ଦ୍ଦେଶନା ଦେବା ପର୍ଯ୍ୟନ୍ତ କାମ କରୁଛନ୍ତି ଏବଂ ବର୍ତ୍ତମାନ ସେ ଫିଲ୍ମ ପ୍ରଡକ୍ସନରେ ମଧ୍ୟ ଏଣ୍ଟ୍ରି କରିସାରିଛନ୍ତି। ସେଲିବ୍ରିଟି ଫଟୋଗ୍ରାଫର ଭାଇରାଲ ଭାୟାନି ଇନଷ୍ଟାଗ୍ରାମ୍ ଆକାଉଣ୍ଟରେ ଏକ ଭିଡିଓ ପୋଷ୍ଟ କରିଛନ୍ତି। ଯେଉଁଥିରେ କଙ୍ଗନା ତାଙ୍କ ନୂଆ କଳା ରଙ୍ଗର ମର୍ସିଡିଜ୍ ମାୟାବ୍ୟାକ୍ S680 କାର ସହିତ ନଜର ଆସିଛନ୍ତି। କଙ୍ଗନା କାର ସହିତ ପୋଜ୍ ଦେଉଥିବା ଦେଖାଯାଇଛି। ଏହି ସମୟରେ ଅଭିନେତ୍ରୀ ତାଙ୍କ ପରିବାର ସହିତ ନଜର ଆସିଛନ୍ତି।

ସୂଚନାନୁଯାୟୀ , ଏହି କାରର ମୂଲ୍ୟ କୋଟି କୋଟି ଟଙ୍କା। ଏହି ବ୍ରାଣ୍ଡ ବିଳାସପୂର୍ଣ୍ଣ କାର୍‌ର ମୂଲ୍ୟ ପ୍ରାୟ ୫ କୋଟି ଟଙ୍କା। ଏହା ପୂର୍ବରୁ ତାଙ୍କର ଆହୁରି ଅନେକ କାର ଅଛି। ବର୍ତ୍ତମାନ ଏହି ମର୍ସିଡିଜ୍ ମଧ୍ୟ ତାଙ୍କ କାର୍ କଲେକ୍ସନ୍‌ରେ ଅନ୍ତର୍ଭୁକ୍ତ ହୋଇଛି ।