‘କଙ୍ଗନା’ଙ୍କୁ ସୁବିଧାବାଦୀ କହିଲେ ସୋଶାଲ ମିଡିଆ ୟୁଜର

(ମୁମ୍ବାଇ) : ରିଲିଜ ହେଲା କଙ୍ଗନା ରାଣାୱତଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଧାକଡ଼’। ତେବେ ‘ଧାକଡ଼’ ରିଲିଜ୍ ହେବା ସହିତ ସାଂଘାତିକ ଭାବେ ଟ୍ରୋଲ୍ ହେଉଛନ୍ତି କଙ୍ଗନା। ଏହା ପଛର କାରଣ ହେଉଛନ୍ତି ସଲମାନ ।

‘ଧାକଡ଼’ର ରିଲିଜ୍ ଅବସରରେ କଙ୍ଗନା ଓ ପୂରା ଟିମ୍‌କୁ ସଲମାନ ଖାନ ଶୁଭେଚ୍ଛା ଜଣାଇଥିଲେ। ଆଉ ଏହା ପଛର କାରଣ ହେଉଛି ସଲମାନଙ୍କ ସହିତ ତାଙ୍କ ଘନିଷ୍ଠତା। ଏହାର ଜବାବରେ କଙ୍ଗନା ତାଙ୍କୁ ଧନ୍ୟବାଦ ଜଣାଇଥିଲେ। ଏଥିରେ ଅନେକ କରିଛି। ସେମାନେ ‘କଙ୍ଗନା’ଙ୍କୁ ସୁବିଧାବାଦୀ ବୋଲି କହିଛନ୍ତି।

ସୂଚନାନୁଯାୟୀ , ଯେତେବେଳେ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ନେଇ ବଲିଉଡ୍‌ ଉଠୁଥିଲା ପଡ଼ୁଥିଲା, ସେତେବେଳେ ସଲମାନଙ୍କୁ ତୀବ୍ର ସମାଲୋଚନା କରିଥିଲେ କଙ୍ଗନା। ସେ ସଲମାନଙ୍କୁ ବଲିଉଡ୍‌ ମାଫିଆ ବୋଲି ବି କହିଥିଲେ। ସେଥିପାଇଁ ସୋଶାଲ ମିଡିଆ ୟୁଜର ବର୍ତ୍ତମାନ ତାଙ୍କୁ ‘ସୁବିଧାବାଦୀ’ ବୋଲି କହୁଛନ୍ତି। ସୁଶାନ୍ତଙ୍କ ନାଁକୁ ସେ ନିଜର ପ୍ରସିଦ୍ଧି ପାଇଁ ବ୍ୟବହାର କରିଥିଲେ ବୋଲି ସୋଶାଲ୍ ମିଡିଆ ୟୁଜରମାନେ କହୁଛନ୍ତି।