କୋଲକାତା: ହୁଗୁଳି ନଦୀତଳେ ଚାଲିଲା ମେଟ୍ରୋ । ପ୍ରଥମ ଥର ପାଣି ତଳେ ଯାତ୍ରା କଲା କୋଲକତା ମେଟ୍ରୋ ଟ୍ରେନ । ଏସପ୍ଲାନେଡ ଠୁ ହାୱଡା ମଇଦାନ ଷ୍ଟେସନ ପର୍ୟ୍ୟନ୍ତ ଏହାର ଟ୍ରାଏଲ ଆରମ୍ଭ ହୋଇଛି । ପାଣି ତଳେ ରେକ୍ ନମ୍ବର ଏମ ଆର ୬୧୨ର ପରୀକ୍ଷାମୂଳକ ସେବା ଆରମ୍ଭ କରାଯାଇଛି । ପ୍ରଥମ ପର୍ୟ୍ୟାୟରେ ଦୁଇଟି ମେଟ୍ରୋକୁ ପରୀକ୍ଷାମୂଳକ ବ୍ୟବହାର କରାଯାଇଛି । ଏଥିରେ ମେଟ୍ରୋର ବରିଷ୍ଠ ଅଧିକାରୀ ମାନେ ଯାତ୍ରା କରିଛନ୍ତି । ପ୍ରଥମେ ସାତ ମାସ ପର୍ୟ୍ୟନ୍ତ ଏସପ୍ଲାନେଡରୁ ହାୱଡା ମଇଦାନ ପର୍ୟ୍ୟନ୍ତ ପରୀକ୍ଷା ମୂଳକ ଭାବେ ଏହି ଅଣ୍ଡରଗ୍ରାଉଣ୍ଡ ସେବା ଆରମ୍ଭ କରାଯିବ । ପରୀକ୍ଷଣ ସଫଳ ହେଲେ ଖିୁବଶୀଘ୍ର ପାଣିତଳେ ବ୍ୟବସାୟିକ ସେବା ଆରମ୍ଭ ହେବ । ପ୍ରତିଦିନ ୪.୮ କିଲୋମିଟର ଚାଲିବ ଏହି ଅଣ୍ଡରଗ୍ରାଉଣ୍ଡ ମେଟ୍ରୋ । ମାତ୍ର ୪୫ ସେକେଣ୍ଡରେ ହୁଗୁଳି ନଦୀ ଭିତରେ ୫୨୦ ମିଟର ରାସ୍ତା ଅତିକ୍ରମ କରିବ ମେଟ୍ରୋ । ନଦୀ ଶଯ୍ୟାରୁ ୩୨ ମିଟର ତଳେ ଏହି ଟନେଲ ନିର୍ମାଣ କରାଯାଇଛି । ଏଭଳି ହେଲେ ହାୱଡା ଦେଶର ଗଭୀରତମ ମେଟ୍ରୋ ଷ୍ଟେସନ ପାଲଟିବ ।
