ଗଜପତି (ତ୍ରିପତି ବିଷୋୟୀରତ୍ନ) : ପୋଖରୀରେ ବୁଡି ନାବାଳକର ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ଗଜପତି ଜିଲ୍ଲା ମୋହନା ଥାନା ଲୁହାଗୁଡି ଗାଁରେ । ମୃତ ନାବାଳକ ଜଣକ ହେଲେ ଲୁହାଗୁଡି ପଂଚାୟତ ସିରିଶୀପଦା ଗାଁର ବାଲିମା ଗମାଙ୍ଗଙ୍କ 17 ବର୍ଷର ପୁଅ ସନାତନ ଗମାଙ୍ଗ । ଆଜି ସକାଳ ସମୟରେ ଲୁହାଗୁଡି ପଞ୍ଚାୟତ କାର୍ଯ୍ୟଳୟ ନିକଟରେ ଥିବା ପୋଖରୀକୁ ଗାଧୋଇବାକୁ ଯାଉଥିଲା। ଗାଧୋଇବା ସମୟରେ ପାଣିରେ ଗୋଡ ଖସି ଯାଇଥିଲା ଏବଂ ସେହି ପୋଖରୀରେ ବୁଡ଼ିଯାଇଥିଲା। ଖବର ପାଇ ପରିବାର ଲୋକେ ପୁଅ ପାଣିରେ ବୁଡି ଯାଇ ଥିବା ଦେଖି ପୋଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇ ପୋଲିସ ପହଞ୍ଚି ପୋଖରୀରୁ ନାବାଳକର ମୃତ ଦେହ କୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଯାଇଛି।
