ଯାଜପୁର ସୁକିନ୍ଦାରୁ /ଅଂଶୁମାନ ବେହୁରା : ପ୍ରତିବର୍ଷ ପରି ଚାଳିତ ବର୍ଷ ମଧ୍ୟ ସୁକିନ୍ଦାରେ ପ୍ରଭୁୂ ଶ୍ରୀରାମଙ୍କ ନଗର ପରିକ୍ରମା ଶୋଭାଯାତ୍ରା ମହା ଆଡମ୍ବରରେ ଅନୁଷ୍ଠିତ ହୋଇ ଯାଇଛି । ଏହି ଶୋଭାଯାତ୍ରାରେ ଛୋଟ ଛୋଟ ପିଲାଙ୍କୁ ପ୍ରଭୁ ଶ୍ରୀରାମ ଓ ହନୁମାନଙ୍କ ବେଶରେ ସଜାଯାଇ ପରିଭ୍ରମଣ କରାଯାଇଥିଲା। ଏହି ଶୋଭାଯାତ୍ରାଟି ସୁକିନ୍ଦାଗଡ଼ ସ୍ଥିତ ରାମ ମନ୍ଦିରରୁ ବାହାରି ସୁକିନ୍ଦାର ବିଭିନ୍ନ ସାହି ଏବଂ ଗଳି କନ୍ଧିରେ ପରିଭ୍ରମଣ କରିଥିବା ଦେଖିବାକୁ ମିଳିଥିଲା । ଏହି ଶୋଭାଯାତ୍ରାକୁ ଗ୍ରାମର ଅନେକ ଲୋକ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ । ଶତାଧିକ ଯୁବକ ଏହି କାର୍ୟ୍ୟକ୍ରମରେ ନିଜକୁ ସାମିଲ କରିବା ସହ ଶୋଭାଯାତ୍ରାକୁ ସଫଳ କରାଇବାରେ ସହଯୋଗ କରିଥିଲେ । ସୁକିନ୍ଦା ସଦର ମହକୁମାରେ ଅନେକ ମୁସଲମାନ ସମ୍ପ୍ରଦାୟର ଲୋକ ବସବାସ କରୁଥିଲେ ମଧ୍ୟ ଏଭଳି କାର୍ୟ୍ୟକ୍ରମରେ ଆଇନ ଶୃଙ୍ଖଳା ପରିସ୍ଥିତିକୁ ଆଖି ଆଗରେ ରଖି ସୁକିନ୍ଦା ଥାନାଅଧିକାରୀ ଉଭୟ ସମ୍ପ୍ରଦାୟର କିଛି ଯୁବକଙ୍କୁ ନେଇ ଏକ ବୈଠକ ଆୟୋଜନ କରିଥିଲେ । ଯେଉଁଥିରେ ଉଭୟ ପକ୍ଷର ମତାମତ ଓ ସହମତି ଗ୍ରହଣ କରିଥିଲେ । ଏହି କାର୍ୟ୍ୟକ୍ରମ ଶୃଙ୍ଖଳାର ସହ ସମାପନ ହୋଇଥିବା ଦେଖିବାକୁ ମିଳିଛି ।