ରିଲିଜ ହେଲା ସଲମାନ ଖାନଙ୍କ ‘ମେଁ ଚଲା’ର ପ୍ରଥମ ଟିଜର୍
ଗତକାଲି (ଶୁକ୍ରବାର) ମ୍ୟୁଜିକ୍ ଭିଡିଓ ‘ମେଁ ଚଲା’ର ପ୍ରଥମ ଟିଜର୍ ଜାରି କରିଛନ୍ତି ସଲମାନ ଖାନ୍
(ମୁମ୍ବାଇ) : ଗତକାଲି (ଶୁକ୍ରବାର) ମ୍ୟୁଜିକ୍ ଭିଡିଓ ‘ମେଁ ଚଲା’ର ପ୍ରଥମ ଟିଜର୍ ଜାରି କରିଛନ୍ତି ସଲମାନ ଖାନ୍ । ଏହି ରୋମାଣ୍ଟିକ୍ ଗୀତରେ ସଲ୍ଲୁଙ୍କ ଅପୋଜିଟ୍ରେ ନଜର ଆସିଛନ୍ତି ପ୍ରଜ୍ଞା ଜୈସୱାଲ । ଟି-ସିରିଜ୍ ଏହାକୁ ଲଞ୍ଚ୍ କରିଛି । ଗୋଟିଏ ଲୁକ୍ରେ ଲମ୍ବା କେଶ ଓ ମୁଣ୍ଡରେ ପଗଡ଼ି ବାନ୍ଧିଥିବା ସେ ନଜର ଆସିଛନ୍ତି । ଭିଡିଓରେ ସେ ସଲ୍ଲୁଙ୍କ ସହ ରୋମାନ୍ସ କରୁଥିବା ନଜର ଆସିଛନ୍ତି ।
ସୂଚନାନୁଯାୟୀ , ମ୍ୟୁଜିକ୍ ଭିଡିଓ ରୂପେ ଏହା ଆଜି ରିଲିଜ୍ ହେଉଛି । ପ୍ରଜ୍ଞା ଏପର୍ଯ୍ୟନ୍ତ ୮-୧୦ଟି ସାଉଥ୍ ଫିଲ୍ମରେ କାମ କରିଛନ୍ତି । ‘ଅନ୍ତିମ’ରେ ତାଙ୍କର ପ୍ରଥମ ସୁଟ୍ ଏହି ଗୀତ ଥିଲା, ଯେଉଁଥିରେ ସଲ୍ଲୁଙ୍କ ସହ ସେ ସୁଟିଂ କରିବାର ସୁଯୋଗ ପାଇଲେ । ଏହା ତାଙ୍କ ପାଇଁ ସବୁଠୁ ବଡ଼ ଖୁସିର ମୁହୂର୍ତ୍ତ ଥିଲା । ତେବେ ଏହା ପୂର୍ବରୁ ତାଙ୍କୁ ଆଉ ଏକ ହିନ୍ଦୀ ଫିଲ୍ମ ଅଫର୍ ମିଳିଥିଲା ।