ଗାଜିଆବାଦର କାଞ୍ଚନ ପାର୍କରେ ଏକ ଘରେ ନିଆଁ ଲାଗିଯାଇଥିଲା। ସୂଚନାନୁସାରେ, ଘରର ଦ୍ୱିତୀୟ ମହଲାରେ ନିଆଁ ଲାଗିଛି। ଅଗ୍ନିକାଣ୍ଡ ସମୟରେ ତୃତୀୟ ମହଲାରେ ସମୁଦାୟ ୮ଜଣ ଥିଲେ। ସେଥିମଧ୍ୟରୁ ୪ ଟି ଜଣଙ୍କର ଜୀବନ ଅଳ୍ପକେ ବର୍ତ୍ତିଯାଇଛି । ଏହି ଦୁର୍ଘଟଣାରେ ଜଣେ ମହିଳା ଏବଂ ତିନି ପିଲାଙ୍କର ମୃତ୍ୟୁ ଘଟିଛି। ନିଆଁ ସମ୍ପର୍କରେ ସୂଚନା ପାଇବା ମାତ୍ରେ ଅଗ୍ନିଶମ ବାହିନୀ ଗାଡି ଘଟଣାସ୍ଥଳରେ ପହଞ୍ଚିଥିଲେ। ଘରର କାନ୍ଥ ଭାଙ୍ଗି ଲୋକଙ୍କୁ ଉଦ୍ଧାର କରାଯାଇଥିଲା। ନିଆଁକୁ ଆୟତ୍ତ କରିବା ପରେ ଜଣେ ମହିଳା ଏବଂ ତିନି ଶିଶୁଙ୍କ ମୃତଦେହ ବାହାରକୁ ନିଆଯାଇଥିଲା।
ସୂଚନା ଅନୁଯାୟୀ ତିନି ମହଲା ବିଶିଷ୍ଟ ଘରର ଦ୍ୱିତୀୟ ମହଲାରେ ନିଆଁ ଲାଗିଯାଇଥିଲା। ସର୍ଟ ସର୍କିଟ ଯୋଗୁଁ ନିଆଁ ସନେ୍ଦହ କରାଯାଇଛି । ତୃତୀୟ ମହଲାରେ ଆଠ ଜଣ ଲୋକ ରହୁଥିଲେ। ଦ୍ୱିତୀୟ ମହଲାରୁ ନିଆଁ ଲାଗିଯିବାରୁ ଲୋକମାନେ ଘରୁ ବାହାରି ପାରିନଥିଲେ। ଆଠ ଜଣଙ୍କ ମଧ୍ୟରୁ ଚାରିଜଣଙ୍କର ମୃତ୍ୟୁ ହୋଇଥିବା ବେଳେ ଅବଶିଷ୍ଟ ଚାରିଜଣ ମଧ୍ୟ ଅଗ୍ନିକାଣ୍ଡରେ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ମହିଳା ଏବଂ ତିନି ପିଲା ଅଛନ୍ତି। ସମସ୍ତ ତିନୋଟି ସନ୍ତାନର ବୟସ ଦଶ ବର୍ଷରୁ କମ୍ ଅଟେ । ଘରଟି ଶାହନାୱାଜଙ୍କର ଅଟେ । ନିଆଁରେ ପୋଡିଯାଇଥିବା ଅନ୍ୟ ଲୋକଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି।
