( ଭୁବନେଶ୍ୱର / ରିପୋର୍ଟସଟୁଡେ): ଆସନ୍ତା ୨୧ରେ ଶ୍ରୀମନ୍ଦିରରେ ଅନୁଷ୍ଠିତ ହେବ ଦୋଳପୂର୍ଣ୍ଣିମା । କାଲି ମହାପ୍ରଭୁଙ୍କ ମେଣ୍ଡାପୋଡି ନୀତି। ଦୋଳପୂର୍ଣ୍ଣିମା ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତି ନିର୍ଘଣ୍ଟ ହୋଇଛି। ଏହି ଦିନ ମହାପ୍ରଭୁଙ୍କ ରାଜରାଜେଶ୍ୱର ବା ସୁନାବେଶ ଅନୁଷ୍ଠିତ ହେବ । ମହାପ୍ରଭୁଙ୍କ ଚଳନ୍ତି ପ୍ରତିମା ଦୋଳଗୋବିନ୍ଦ, ଭୂଦେବୀ, ଶ୍ରୀଦେବୀ ଆଜ୍ଞାମାଳ ପାଇଁ ବିମାନରେ ଦୋଳବେଦୀକୁ ଆସି ଭକ୍ତଙ୍କ ସହ ଫଗୁ ଖେଳିବେ। ଏଥିପାଇଁ ଦୋଳବେଦୀ ପ୍ରସ୍ତୁତି ସରିଲାଣି।
