ଭୁବନେଶ୍ୱର: ମୁଖ୍ୟମନ୍ତ୍ରୀ ଆପଣମାନଙ୍କ ଆର୍ଥିକ ବୋଝ ହାଲ୍କା କରିବା ପାଇଁ କାମ କରୁଛନ୍ତି, କେନ୍ଦ୍ରର ବିଜେପି ସରକାର ଆପଣମାନଙ୍କ ବୋଝ ବଢ଼େଇ ଚାଲିଛନ୍ତି । ମହାପ୍ରଭୁଙ୍କ ଆଶୀର୍ବାଦରୁ ଓ ଆପଣମାନଙ୍କ ଆଶୀର୍ବାଦରୁ ନବୀନ ପଟ୍ଟନାୟକ ପୁଣି ଥରେ ଜୁନ ୯ ତାରିଖରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ, ଆପଣମାନଙ୍କ ସେବା କରିବେ । ଶପଥ ନେବା ପରେ ପ୍ରଥମ ଦସ୍ତଖତରେ ସମସ୍ତଙ୍କୁ ବିଜୁଳି ବିଲ୍ରୁ ମୁକ୍ତ କରିବେ, ଦ୍ୱିତୀୟ ଦସ୍ତଖତରେ ବି.ଏସ୍.କେ.ୱାଇ କାର୍ଡ ସମସ୍ତେ ପାଇବେ, ତୃତୀୟ ଦସ୍ତଖତରେ ୬୦ ବର୍ଷ ପରେ ମିଶନ ଶକ୍ତି ସଦସ୍ୟାମାନଙ୍କ ପାଇଁ ପେନ୍ସନ ବ୍ୟବସ୍ଥା କରିବେ । କଲେଜ ପିଲାମାନଙ୍କ ନୂଆ-ଓ ସ୍କଲାରସିପ୍କୁ ମଧ୍ୟ ବୃଦ୍ଧି କରିବେ, ପୁଅ ପିଲା ୯ ହଜାର ପରିବର୍ତ୍ତେ ପାଇବେ ୧୨ ହଜାର, ଝିଅ ପିଲା ୧୦ ହଜାର ପରିବର୍ତ୍ତେ ପାଇବେ ୧୪ ହଜାର ଟଙ୍କା । ବି.ଏସ୍.କେ.ୱାଇରେ ଆପଣଙ୍କ ଚିକିତ୍ସା ଖର୍ଚ୍ଚ ହେବ ନାହିଁ, ନୂଆ-ଓ ସ୍କଲାରସିପରେ ପିଲାମାନେ ବହି କିଣିବେ, ନାଁ ଲେଖାଇବେ, ଲକ୍ଷ୍ମୀ ବସରେ ମା’ମାନେ ଓ ପିଲାମାନେ ୫ ଟଙ୍କାରେ ଯିବା ଆସିବା କରୁଛନ୍ତି, ଆଗକୁ ଆପଣଙ୍କୁ ବିଜୁଳି ମଧ୍ୟ ଦେବାକୁ ପଡ଼ିବ ନାହିଁ । ଏ ସବୁ କାହିଁକି ସେ କରୁଛନ୍ତି ? କାରଣ ସାଢ଼େ ୪ କୋଟି ଓଡ଼ିଆ ହେଉଛନ୍ତି ମୁଖ୍ୟମନ୍ତ୍ରୀଙ୍କ ପରିବାର, ସେ ହେଉଛନ୍ତି ପରିବାରର ମୁଖିଆ । ତେଣୁ ମୁଖିଆ ଭାବରେ ସେ, ଏ ସବୁ କରୁଛନ୍ତି ଆପଣମାନଙ୍କ ମୁଣ୍ଡରୁ ବୋଝ ହାଲ୍କା କରିବା ପାଇଁ, ଆପଣମାନଙ୍କ ପିଲାଙ୍କ ଉଜ୍ୱଳ ଭବିଷ୍ୟତ ପାଇଁ । କିନ୍ତୁ କେନ୍ଦ୍ରର ବିଜେପି ସରକାର କଣ କରୁଛି ? ବହୁତ କଥା କହିଥିଲେ, ତେଲ ଦର, ଏଲ୍.ପି.ଜି. ଡିଜେଲ, ପେଟ୍ରୋଲ ଦର କମିଲା କି ? ସେମାନେ ଆପଣଙ୍କ ବୋଝ ବଢ଼େଇ ଚାଲିଛନ୍ତି ଆଶୀର୍ବାଦ କରନ୍ତୁ ଆମର ବିଧାୟକ ପ୍ରାର୍ଥୀ ସଞ୍ଜୀବ ବାବୁ ଓ ସାଂସଦ ପ୍ରାର୍ଥୀ ମଞ୍ଜୁଲତା ଙ୍କୁ ଆଶୀର୍ବାଦ କରନ୍ତୁ, ବିଜୁ ପରିବାର ଲାଗି ପଡ଼ନ୍ତୁ ମୁଖ୍ୟମନ୍ତ୍ରୀଙ୍କ ହାତମୁଠାକୁ ଟାଣ କରିବା ପାଇଁ । କଥା ରହିଲା, ଆପଣ ୪୦ ହଜାର ମାର୍ଜିନରେ ମୁଖ୍ୟମନ୍ତ୍ରୀଙ୍କୁ ଆଶୀର୍ବାଦ କରିବେ ।
