ଏକ୍ସିଲେନ୍ସ ଇନ୍ ସିନେମା ଆୱାର୍ଡରେ ସମ୍ମାନୀତ ହେଲେ ନୱାଜୁଦ୍ଦିନ ସିଦ୍ଦିକି

(ମୁମ୍ବାଇ) : ଭାରତରେ ନୁହେଁ ବିଦେଶରେ ବି ପ୍ରସିଦ୍ଧ ହୋଇଛନ୍ତି ନୱାଜୁଦ୍ଦିନ ସିଦ୍ଦିକି । ନିଜର ଦମଦାର ଅଭିନୟ ପାଇଁ କେବଳ  ସେ ଲୋକ ପ୍ରିୟ ହୋଇପାରିଛନ୍ତି । ତାଙ୍କୁ ଜାତୀୟ ତଥା ଆନ୍ତର୍ଜାତୀୟ ସ୍ତରରେ ଅନେକ ଥର ସମ୍ମାନିତ କରାଯାଇଛି।

କାନ୍ସ ୨୦୨୨ ରେ ସିନେମା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ନୱାଜୁଦ୍ଦିନଙ୍କୁ ଆୱାର୍ଡ ଫର୍ ଏକ୍ସିଲେନ୍ସରେ ସମ୍ମାନିତ କରାଯାଇଛି। ନୱାଜଙ୍କୁ ଏହି ଆୱାର୍ଡ ଦୁଇଥର ଏମି ପୁରସ୍କାର ବିଜେତା ଆମେରିକୀୟ ଅଭିନେତା ତଥା ନିର୍ମାତା ଭିନ୍ସେଣ୍ଟ ଡି ପାଲ ପ୍ରଦାନ କରିଛନ୍ତି। ଏହା ପ୍ରଥମ ଥର ନୁହେଁ ଯେ ନୱାଜଙ୍କୁ ଏପରି ଆୱାର୍ଡ ମିଳିଛି।

 ବର୍ତ୍ତମାନ ନୱାଜୁଦ୍ଦିନ କାନ୍ସ ଫିଲ୍ମ ଫେଷ୍ଟିଭାଲରେ ନଜର ଆସିଛନ୍ତି। ଫ୍ରେଞ୍ଚ ରିଭିରାରେ ନୱାଜଙ୍କ ଉପସ୍ଥିତି କେବଳ ଭାରତୀୟ ନୁହେଁ ବିଦେଶୀ ସେଲିବ୍ରିଟମାନଙ୍କୁ ମଧ୍ୟ ଆକର୍ଷିତ କରିଛି। ଏହି ଅବସରରେ ନୱାଜଙ୍କୁ ସମ୍ମାନୀତ ମଧ୍ୟ କରାଯାଇଛି।

ଏହାପୂର୍ବରୁ ନୱାଜଙ୍କୁ ଭାରତ ତରଫରୁ କାନ୍ସ ଫିଲ୍ମ ଫେଷ୍ଟିଭାଲରେ ଆୱାର୍ଡ ଗ୍ରହଣ କରିଥିବା  ଡେଲିଗେଟ୍ସରେ ମଧ୍ୟ ଅନ୍ତର୍ଭୁକ୍ତ କରାଯାଇଥିଲା।