ଶକ୍ତିଙ୍କୁ ପ୍ରୋପଜ କଲେ ଅଲିମ୍ପିକ୍ସ ଗୋଲ୍ଡ ବୟ

ଶକ୍ତି ମୋହନଙ୍କୁ ପ୍ରୋପଜ କଲେ ଅଲିମ୍ପିକ୍ସ ଗୋଲ୍ଡ ବୟ

0

(ମୁମ୍ବାଇ) : ପ୍ରସିଦ୍ଧ ଡ୍ୟାନ୍ସର ଶକ୍ତି ମୋହନଙ୍କୁ ପ୍ରୋପଜ କଲେ ଅଲିମ୍ପିକ୍ସ ଗୋଲ୍ଡ ମେଡାଲିଷ୍ଟ ନୀରଜ ଚୋପ୍ରା। ସର୍ବ ସମ୍ମୁଖରେ ନିଜ ମନର କଥା କହିଲେ ଗୋଲ୍ଡେନ ବୟ। ଯାହା ସୋସିଆଲ ମିଡିଆରେ ବେଶ ଭାଇରଲ ହେବାରେ ଲାଗିଛି । ଟୋକିଓ ଅଲିମ୍ପିକ୍ସରେ ଗୋଲ୍ଡ ଜିତି ଦେଶ ପାଇଁ ଗୌରବ ଆଣିବା ପରେ ବେଶ ଚର୍ଚ୍ଚାରେ ରହୁଛନ୍ତି ନୀରଜ। ସେ ଏବେ ସୋଶାଲ ମିଡିଆର ପାଲଟିଛନ୍ତି ହଟ୍‌ ଟପିକ୍‌। କେତେବେଳେ ବିଜ୍ଞାପନ ତ ଆଉ କେତେବେଳେ ମାଗାଜିନ। ସେହିପରି ଆଉ କେବେ ଟିଭି ଶୋ’ରେ ସେ ମଚାଉଛନ୍ତି ଧମାଲ।

ସୂଚନାନୁଯାୟୀ , ଶକ୍ତି ମୋହନଙ୍କ ଅନୁରୋଧ ପରେ ମଞ୍ଚ ଉପରେ ସମସ୍ତ ଆଗରେ ତାଙ୍କୁ ନୀରଜ ପ୍ରପୋଜ କରିଛନ୍ତି। ନିଜ ଢ଼ଙ୍ଗରେ ସେ କହିଛନ୍ତି, ‘ମୋ ଜୀବନରେ ସବୁଠୁ ଗୁରୁତ୍ୱପୂର୍ଣ୍ଣ ହେଲା ଜାଭେଲିନ୍‌, ମୁଁ ତୁମକୁ ଅଧିକ ସମୟ ଦେଇପାରିବି ନାହିଁ। ମୋତେ ଆଉ କିଛି ଆସେ ନାହିଁ। ଖାଦ୍ୟ ରୋଷେଇ କରିବା ମଧ୍ୟ ଆସେନି।’ ନୀରଜଙ୍କ ଏହି ପ୍ରପୋଜ କରିବାର ଭିଡିଓ ଏବେ ସୋଶାଲ ମିଡିଆରେ ଜୋରସୋରରେ ଭାଇରାଲ ହେବାରେ ଲାଗିଛି। ଏହି ଭିଡିଓ ସାମ୍ନାକୁ ଆସିବା ପରେ ତାଙ୍କ ଫ୍ୟାନ୍‌ଙ୍କ ମଧ୍ୟରେ ଉତ୍ସାହ ବଢ଼ିଯାଇଛି।