ଉତ୍ତରପ୍ରଦେଶ ରାଏବରେଲୀରେ ବଡ ଟ୍ରେନ ଦୁର୍ଘଟଣା, ରେଳ ଟ୍ରାକରୁ ଖସିଲା ନ୍ୟୁ ଫରକ୍କା ଏକ୍ସପ୍ରେସର ୫ ଟି ବଗି.. ୬ ମୃତ, ୨୦ ରୁ ଅଧିକ ଆହତ..

0

(ସଂଜୁକ୍ତା ବେହେରା): ଆଜି ଭୋରରୁ ଉତ୍ତରପ୍ରେଦେଶ ଅନ୍ତର୍ଗତ ରାଏବରେଲୀ ନିକଟରେ ନ୍ୟୁ ଫରକ୍କା ଏକ୍ସପ୍ରେସର ୫ ଟି ବଗି ଲାଇନଚ୍ୟୁତ ହୋଇଛି । ଫଳରେ ୬ ଜଣଙ୍କର ମୃତ୍ୟୁ ଘଟିଥିବାବେଳେ ୨୦ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ଆଜି ପ୍ରତ୍ୟୁଷରେ ହରଚାନ୍ଦପୁର ରେଳବାଇଷ୍ଟେସନ ଠାରୁ ପ୍ରାୟ ୫୦ ମିଟର ଦୂରରେ ଟ୍ରେନଟି ଦୁର୍ଘଟଣା ଗ୍ରସ୍ତ ହୋଇଥିବା ସୂଚନା ମିଳିଛି । ଦୁର୍ଘଟଣାରେ ମୃତ୍ୟୁ ଘଟିଥିବା ବ୍ୟକ୍ତିମାନଙ୍କ ମଧ୍ୟରେ ଜଣେ ଶିଶୁ ଥିବା କୁହାଯାଇଛି । ଏଥିରେ ଆହୁରୀ ଅନେକ ଯାତ୍ରୀ ମଧ୍ୟ ଆହତ ହୋଇଛନ୍ତି । ନୂଆଦିଲ୍ଲୀ-ମାଲ୍ଲା ନ୍ୟୁ ଫରକ୍କା ଏକ୍ସପ୍ରେସକୁ ଗୋଟାଏ ଭୁଲ ଟ୍ରାକକୁ ଛଡାଯିବା ପରେ ଇଞ୍ଜିନ ସହ ୫ ଟି ବଗି ଲାଇନରୁ ବାହାରି ଯିବା କାରଣରୁ ଦୁର୍ଘଟଣା ଘଟିଥିବା ଜଣାପଡିଛି । ସ୍ଥାନୀୟ ପ୍ରଶାସନ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।