କଳାହାଣ୍ଡି/ ଗୋଲାପ ସାହୁ : ବାଇକ ଦୁର୍ଘଟଣାରେ ଚାଲିଗଲା ଜୀବନ । କଳାହାଣ୍ଡି ଜିଲ୍ଲା ଜୟପାଟଣା ହାତୀ ବ୍ରିଜ ନିକଟରେ ଘଟିଛି ଏଭଳି ଦୁର୍ଘଟଣା । ସନ୍ଧ୍ୟା ସମୟରେ ବାଇକଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛିନ୍ତି ।
ସୂଚନା ଅନୁଯାୟୀ, ବାହୁଡା ଯାତ୍ରା ଦେଖିବା ପାଇଁ ଜୁନାଗଡ ଥାନା ରାଜପୁର ଗାଁର ବଳିଆ ପ୍ରଧାନ ଓ ତାଙ୍କର ଦୁଇଜଣ ସାଙ୍ଗ (ଜୟକିଶାନ ବିଶ୍ୱାଳ ଓ ରାକେଶ ରାଉତ) ବାଇକ ଯୋଗେ(ଓଡି୦୮ ଟି୨୩୨୯)ଯାଉଥିବା ବେଳେ ଘଟିଛି ଏଭଳି ଦୁର୍ଘଟଣା । ଘଟଣା ସ୍ଥଳରେ ବଳିଆ ପ୍ରଧାନଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଜଣଙ୍କୁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ଅବସ୍ଥା ସଙ୍କାଟାପନ୍ନ ହେବାରୁ ତାଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟକୁ ପଠାଇଥିବା କୁହାଯାଉଛି । ତେବେ ଘଟଣା ସ୍ଥଳରେ ଏଏସଆଇ ତ୍ରିସେନ୍ଦ୍ର ପାତ୍ର ଓ ମହିଳା କନେଷ୍ଟବଳ ସବିତା ନାୟକ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଘଟଣାର ତଦନ୍ତ ଆରମ୍ଭ କରିଛନ୍ତି ।
