ପାଲଲହଡ଼ା/ପିତାମ୍ବର ନାୟକ: ଅନୁଗୋଳ ଜିଲ୍ଲା ପାଲଲହଡ଼ାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଯାଇଛି । ପାଲଲହଡ଼ା ବ୍ଲକ ଖମାର ଥାନା ବାରକୋଟିଆ ଗ୍ରାମ ନିକଟବର୍ତ୍ତୀ ୧୪୯ ଜାତୀୟ ରାଜ ପଥ ଉପରେ ଏହି ଦୁର୍ଘଟଣା ହୋଇଥିବା ଖମାର ପୋଲିସ ସୂଚନା ଦେଇଛି ।ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି ଏବଂ ୨ ଜଣ ଗୁରୁତର ଆହତ ହୋଇଛନ୍ତି । ମୃତକ ବ୍ୟକ୍ତି ଜଣକ ହେଲେ ପାଲଲହଡ଼ା ବ୍ଲକ ବତୀସୀମା ପୁରୁଣା ସାହିର ସନ୍ତୋଷ ବେହେରା (ସେତୁ ବୟସ ୩୫) ବୋଲି ଜଣା ପଡ଼ିଛି । ସୂଚନାରୁ ଜଣାପଡିଛି କି ଆଜି ସକାଳ ୧୧ ଘଟିକା ସମୟରେ ଦୁଇ ପିଲାଙ୍କୁ ନେଇ ଖମାର ବଜାରରୁ ନିଜ ଘର ବତୀସିମା ପୁରୁଣା ସାହିକୁ ଯାଉଥିବାବେଳେ ବାରକୋଟିଆ ଗ୍ରାମ ନିକଟରେ ଏକ ଟ୍ରକ ଧକ୍କା ଦେବାରୁ ଘଟଣା ସ୍ଥଳରେ ବାଇକ ଆରୋହୀଙ୍କର ମୃତ୍ୟୁ ହୋଇଥିଲା । ଏବଂ ବାଇକରେ ଥିବା ଦୁଇ ସନ୍ତାନ ଛି ଟିକି ଯାଇ ରାସ୍ତା କଡରେ ପଡିଥିବା ସ୍ଥାନୀୟ ଲୋକେ ଦେଖି ଉଦ୍ଧାର କରିଥିଲେ । ଘଟଣା ସ୍ଥଳରେ ଉତ୍ତେଜନା ଲାଗିଥିବାରୁ ଖମାର ପୋଲିସ ପହଂଚି ବୁଝା ଶୁଝା କରି ଥିବା ପ୍ରକାଶ ।ଦୁର୍ଘଟଣା ଘଟାଇ ଥିବା ଟ୍ରକ କୁ ଜବତ କରି ତଦନ୍ତ ଜାରି ରଖିଥିବା ଖମାର ଥାନା ଅଧିକାରୀ ପ୍ରଶାନ୍ତ କୁମାର ପଢ଼ିଆରୀ ପ୍ରକାଶ କରିଛନ୍ତି ।
