କଳାହାଣ୍ଡି /ଗୋଲାପ ସାହୁ: ବଜ୍ରାଘାତ ନେଲା ନାବାଳକର ଜୀବନ । କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ପ୍ରଜାନଗଫେନି ଗ୍ରାମରେ ବଜ୍ରାଘାତ ରେ ଜଣେ ନାବାଳକ ର ମୃତ୍ୟୁ ହୋଇଥିବା ଜଣାପଡିଛି। ଗାଁ ର ଭକ୍ତ ଧଙ୍ଗଢା ମାଝୀ ଙ୍କ ୧୫ ବର୍ଷୀୟ ପୁଅ ଟଙ୍କଧର ଧଙ୍ଗଢା ମାଝୀ ଘର ନିକଟରେ ଥିବା ଆମ୍ବ ଗଛ ତଳେ ଠିଆ ହୋଇଥିଲେ । ସେହି ସମୟରେ ପବନ ସାଙ୍ଗକୁ ଝିପିଝିପି ବର୍ଷା ସହ ବଜ୍ରାଘାତ ହୋଇଥିଲା। ଏଥିରେ ଟଙ୍କଧର ଆଘାତ ହେବାରୁ ଘର ଲୋକେ ତାଙ୍କୁ ଗୁରୁତର ଅବସ୍ଥାରେ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ। କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଖବର ପାଇ ପୋଲିସ ସ୍ୱାସ୍ଥ୍ୟ କେନ୍ଦ୍ର ରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଆସନ୍ତା କାଲି ଶବ ବ୍ୟବଚ୍ଛେଦ ହେବ ବୋଲି ଜଣାପଡ଼ିଛି।
