ରାଇରଙ୍ଗପୁର: ରାଇରଙ୍ଗପୁର ଗତ କାଲି ରାତିରେ ମର୍ମନ୍ତୁଦ ଛାତିଥରା ଦୁର୍ଘଟଣାର ସମସ୍ତ ତଥ୍ୟ ପୋଲିସ ହାତରେ ।ଖୁବ୍ କମ୍ ସମୟ ମଧ୍ୟରେ ରାଇରଙ୍ଗପୁର ପୋଲିସକୁ ସଫଳତା ମିଳିଲା। ଟାଉନଥାନା ଅନ୍ତର୍ଗତ ରାଇରଙ୍ଗପୁର ବିଶୋଇ ରାସ୍ତାର ଅସନବଣି ଭରଣ୍ଡିଆ ମଝି ରାସ୍ତାରେ ଗତ କାଲି ରାତି୯.୩୦ ଟା ପାଖାପାଖି ସମୟରେ ଭୀମ ପାତ୍ର ଏକୁଟିଆ ବେଗ ଖଣ୍ଡେ ଧରି ଭରଣ୍ଡିଆ ଆଡ଼କୁ ଚାଲି ଚାଲି ଯାଉଥିଲେ ।
ଏହି ସମୟରେ ପଛରୁ ଦୃତ ଗତିରେ ଏକ କାର (ଓଡି ୧୧ଟି ୪୨୫୮) ପଛରୁ ଆସି ଧକ୍କା ଦେଇ ଦୃତ ଗତିରେ ଆସି ପଳାଇଥିବା । ଭୀମ ପାତ୍ରର ମୁଣ୍ଡ,ଗଣ୍ଡି ଅଲଗା କରି ଦେଇଥିଲା ।ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ କରିଥିଲା ।ମୃତକ ହେଲେ ବାଦାମପାହାଡ଼ ଥାନା ଅନ୍ତର୍ଗତ କୁସୁମି ବ୍ଳକର ଆହାରଵନ୍ଧ ଗ୍ରାମର ଭୀମ ପାତ୍ର(୪୮) । ରାଇରଙ୍ଗପୁର ପୋଲିସ ଭୀମ ପାତ୍ରର ପୁଅ ବୀରେନ୍ଦ୍ର ପାତ୍ରଙ୍କ ଲିଖିତ ଅଭିଯୋଗ ଅନୁସାରେ ଏକ ଅପମୃତ୍ୟୁ ମାମଲା ରୁଜୁ କରି ଆଜି ମୃତକଙ୍କୁ ଶବ ବ୍ୟବଚ୍ଛେଦ କରାଇ ପରିବାରବର୍ଗଙ୍କୁ ହସ୍ତାନ୍ତର କରିଛି ।