କେନ୍ଦୁଝର/ ବିଜୟ କୁମାର କାରୁଆ: ହାତୀ ଆକ୍ରମଣରେ ଜଣେ ମୃତ । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ସାହାରପଡା ବନପାଳ ଅଞ୍ଚଳରେ । ମୃତକ ଜଣକ କଟାବେଡ଼ା ଗ୍ରାମର କ୍ଷୀରୋଦ ମହାନ୍ତ ବୋଲି ଜଣାପଡିଛି। ତେବେ ସାହାରପଡା ବନବିଭାଗ ଅନ୍ତର୍ଗତ କଟାବେଡା ଗ୍ରାମ ଜଙ୍ଗଲ ନିକଟରେ କିଛି ଦିନ ହେବ ୨୨ଟିକିଆ ହାତୀପଲ ଥିବା ଜାଣିବାକୁ ମିଳିଥିଲା । ସନ୍ଧ୍ୟା ସମୟରେ ସ୍ଥାନୀୟ ଗ୍ରାମବାସୀ ହାତୀ ଘୋଡାଉ ଥିବା ସମୟରେ ହଠାତ ହାତୀ ଆକ୍ରମଣ କରିଥିଲା । ଫଳରେ ହାତୀ ଆକ୍ରମଣରେ କ୍ଷୀରୋଦ ମହାନ୍ତ ଗୁରୁତର ହେବାରୁ ତାଙ୍କୁ ବନବିଭାଗ ଗାଡି ସାହାଯ୍ୟ ପାଟଣା ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଆଣି ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠି କ୍ଷୀରୋଦଙ୍କୁ ମୃତ ଘୋଷଣା କରିଥିଲେ।
