ଓଡିଶା: ହୁ ହୁ ହୋଇ ବଢିବାରେ ଲାଗିଛି ପିଆଜ ଦର । ଟମାଟୋ ଦର ପରେ ଏବେ ପରିବା ବଜାରରେ ପିଆଜର ଦର ବୃଦ୍ଧି ହେବାରେ ଲାଗିଛି । ଏନେଇ ଚିନ୍ତାରେ ଖାଉଟି । ଆଗରୁ ୨୦ରୁ ୨୫ ଟଙ୍କା କେଜିରେ ପିଆଜ ବଜାରରେ ମିଳିଯାଉଥିବା ବେଳେ ଏବେ ୩୫ରୁ ୪୦ଟଙ୍କା ଦରରେ ପିଆଜର ବିକ୍ରି ହେଉଛି । ଗତ ବର୍ଷ ମଧ୍ୟ ପିଆଜ ଦରକୁ ନେଇ ଖାଉଟି ପ୍ରଭାବିତ ହୋଇଥିଲେ । ପ୍ରତିବର୍ଷ ଅଗଷ୍ଟରୁ ନଭେମ୍ବର ଭିତରେ ପିଆଜର ଦର ବୃଦ୍ଧି ରହିଆସୁଥିବା ବେଳେ ଏବେ ପିଆଜର ଦର ବୃଦ୍ଧି ପାଉଛି । ହେଲେ ଏଥର କେନ୍ଦ୍ରର ସଚେତନତା କାରଣରୁ ଖାଉଟିଙ୍କୁ ବେଶି ପ୍ରଭାବିତ କରିବନି ପିଆଜ ଦର । କେଜି ପିଛା ୨୫ଟଙ୍କା ଦରରେ ଗ୍ରାହକ ପାଇ ପାରିବେ ପିଆଜ । ଏନେଇ ଏନସିସିଏଫ କୁ ଉପଭୋକ୍ତା ବ୍ୟାପାର ବିଭାଗ ପକ୍ଷରୁ କୁହାଯାଇଛି ।