ଅନୁଗୋଳ/ ସୁଧାକର ସାହୁ: ଶୂନ୍ୟ ମୃତ୍ୟୁହାର ସପ୍ତାହରେ ଘଟିଯାଇଛି ଅଘଟଣ । ଥାନା ଆଗରେ ଚଢିଗଲା ତେଲ ଟ୍ୟାଙ୍କର ଚାଲିଗଲା ସ୍ୱାମୀର ଜୀବନ କିନ୍ତୁ ଅଳ୍ପକେ ବର୍ତ୍ତୀ ଯାଇଛି ସ୍ତ୍ରୀର ଜୀବନ । ଅନୁଗୋଳ ଜିଲ୍ଲା ବଅଁରପାଳ ଥାନା ସମ୍ମୁଖ ଟ୍ରାଫିକ୍ ଛକରେ ତେଲ ଟ୍ୟାଙ୍କର ଓ ବାଇକ ଦୁର୍ଘଟଣାରେ ସ୍ଵାମୀ ମୃତ ସ୍ତ୍ରୀ ଗୁରୁତର ।ସୋମବାର ସନ୍ଧ୍ୟା ୫ଟା:୩୦ ମିନିଟ୍ ସମୟରେ ଘଟିଛି ଏହି ଦୁର୍ଘଟଣା। ଜନଗହଳିକୁ ଦୃଷ୍ଟିରେ ରଖି ଟ୍ରାଫିକ୍ ବ୍ୟବସ୍ଥା ମଧ୍ୟ ଥିଲା। ହେଲେ ଦୁର୍ଘଟଣାକୁ ରୋକି ହେଲାନାହିଁ। ଆଖି ପିଛୁଳାକେ ଚାଲିଗଲା ଜୀବନ। ସୂଚନା ମୁତାବକ ଅନୁଗୋଳ ରୁ ତେଲ ଟ୍ୟାଙ୍କର ତେଲ ଖାଲି କରି ଖୋର୍ଦ୍ଧା ଜଟଣି ଯାଉଥିବା ବେଳେ। ବଅଁରପାଳ ଜଗନ୍ନାଥ ମନ୍ଦିର ଦର୍ଶନ ସାରି ବାଇକ ଯୋଗେ ସ୍ଵାମୀ ସ୍ତ୍ରୀ ଫେରୁଥିଲେ। ଥାନା ସମ୍ମୁଖରେ ଟ୍ରାଫିକ ଗାର୍ଡ ଷ୍ଟପ୍ ଦେଇ ରଖିଥିଲେ।ପରବର୍ତ୍ତି ସମୟରେ ଗାଡି ଛାଡିବା ପରେ ବାଇକ୍ ଚାଳକ କୌଣସି କାରଣ ବଶତଃ ଟ୍ରକ୍ ର ବାମ ପାଖ ଚକାରେ ପଡିଯିବାରୁ ସ୍ୱାମୀ ଙ୍କ ଉପରେ ଗାଡି ଚଢି ଯାଇଥିବାବେଳେ ସ୍ତ୍ରୀ କିଛି ଦୂର ଛିଟିକି ପଡିଥିଲେ। ଘଟଣାସ୍ଥଳରେ ସ୍ଵାମୀର ମୃତ ହୋଇଛି।ବାଇକ ଚାଳକ ଶଙ୍କର ଅଗରୱାଲ ଓ ସ୍ତ୍ରୀ ସରିତା ଅଗରୱାଲଙ୍କ ଘର କଲିକତା । ଶଙ୍କର ପ୍ରାୟ ୫ ବର୍ଷ ରୁ ଉର୍ଦ୍ଧ ହେବ ବଅଁରପାଳ ଅଞ୍ଚଳରେ ରହି ଟ୍ରାନ୍ସପୋର୍ଟ ସଂସ୍ଥା ଚଳାଉଥିଲେ। ପୋଲିସ ପହଞ୍ଚି ଗୁରୁତରକୁ ପ୍ରଥମେ ବଅଁରପାଳ ସି ଏଚ ସି ଚିକିସ୍ଥା ପରେ ଅନୁଗୋଳ ମେଡିକାଲ କୁ ସ୍ଥାନାନ୍ତରିତ କରାଇଛନ୍ତି ।ଦୁଇ ଗାଡିକୁ ଜବତ କରି ତଦନ୍ତ ଆରମ୍ଭ କରିଛନ୍ତି।
