ନୂଆଦିଲ୍ଲୀ: ODI ବିଶ୍ୱକପ୍ ୨୦୨୩ ଭାରତର ଆୟୋଜନରେ ଖେଳାଯିବ । ଏହି ମେଗା ଟୁର୍ନାମେଣ୍ଟର ପ୍ରଥମ ମ୍ୟାଚ୍ ଅକ୍ଟୋବର ୫ ରେ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ଏଥି ସହ ପାକିସ୍ତାନ କ୍ରିକେଟ୍ ଦଳକୁ ସେମାନଙ୍କ ସରକାର ବିଶ୍ୱକପରେ ଭାରତ ଆସିବା ପାଇଁ ଏଯାଏଁ ଅନୁମତି ଦେଇନାହାନ୍ତି । ଏହାରି ଭିତରେ ପାକିସ୍ତାନ କ୍ରିକେଟ୍ ବୋର୍ଡ ବିଶ୍ୱକପ୍ ଖେଳାଯିବାକୁ ଥିବା ଷ୍ଟାଡିୟମରେ ସୁରକ୍ଷା ସୁନିଶ୍ଚିତ କରିବା ପାଇଁ ଏକ ସୁରକ୍ଷା ଦଳ ପଠାଇପାରେ।
ତେବେ, ସ୍ଥାନ ଯାଞ୍ଚ କରିବାକୁ ଏକ ସୁରକ୍ଷା ଦଳ ପଠାଇବା ପ୍ରକ୍ରିୟାର ଏକ ଅଂଶ । କ୍ରିକେଟ୍ ପାକିସ୍ତାନ ଅନୁଯାୟୀ ଜଣେ ପିସିବି ମୁଖପାତ୍ର କହିଛନ୍ତି, “ବୋର୍ଡ ପାକିସ୍ତାନ ସରକାରଙ୍କୁ ମ୍ୟାଚ୍ ଭେନ୍ୟୁ ସହିତ ଭାରତ ଗସ୍ତ ପାଇଁ ଆବଶ୍ୟକ କରେ। ମାର୍ଗଦର୍ଶନ ପାଇଁ ଆମେ ଆମ ସରକାରଙ୍କ ସହ ଯୋଗାଯୋଗରେ ଅଛୁ ଏବଂ ସେମାନଙ୍କଠାରୁ ଶୁଣିବା ମାତ୍ରେ ଇଭେଣ୍ଟ କର୍ତ୍ତୃପକ୍ଷଙ୍କୁ ଅପଡେଟ୍ କରିବୁ। ପାକିସ୍ତାନ ଦଳ ମୋଟ ପାଞ୍ଚଟି ସ୍ଥାନରେ ଖେଳିବ, ଯେଉଁଥିରେ ଅହମ୍ମଦାବାଦ, ଚେନ୍ନାଇ, ବାଙ୍ଗାଲୋର, କୋଲକାତା ଏବଂ ହାଇଦ୍ରାବାଦ ଅନ୍ତର୍ଭୁକ୍ତ।
ଖେଳସୂଚୀ ମୁତାବକ ଏସବୁ ସ୍ଥାନରେ ଖେଳିବ ପାକିସ୍ତାନ
୬ ଅକ୍ଟୋବର – ପାକିସ୍ତାନ ବନାମ କ୍ୱାଲିଫାୟର, ହାଇଦ୍ରାବାଦ
୧୨ ଅକ୍ଟୋବର – ପାକିସ୍ତାନ ବନାମ କ୍ୱାଲିଫାୟର, ହାଇଦ୍ରାବାଦ
୧୫ ଅକ୍ଟୋବର – ପାକିସ୍ତାନ ବନାମ ଭାରତ, ଅହମଦାବାଦ
ଅକ୍ଟୋବର ୨୦- ପାକିସ୍ତାନ ବନାମ ଅଷ୍ଟ୍ରେଲିଆ, ବେଙ୍ଗାଲୁରୁ
ଅକ୍ଟୋବର ୨୩ – ପାକିସ୍ତାନ ବନାମ ଆଫଗାନିସ୍ତାନ, ଚେନ୍ନାଇ
ଅକ୍ଟୋବର ୨୭ – ପାକିସ୍ତାନ ବନାମ ଦକ୍ଷିଣ ଆଫ୍ରିକା, ଚେନ୍ନାଇ
ଅକ୍ଟୋବର ୨୧ – ପାକିସ୍ତାନ ବନାମ ବାଂଲାଦେଶ, କୋଲକାତା
ନଭେମ୍ବର ୫ – ପାକିସ୍ତାନ ବନାମ ନ୍ୟୁଜିଲ୍ୟାଣ୍ଡ, ବେଙ୍ଗାଲୁରୁ
୧୨ ନଭେମ୍ବର – ପାକିସ୍ତାନ ବନାମ ଇଂଲଣ୍ଡ, କୋଲକାତା
୧୫ ଅକ୍ଟୋବରରେ ମହାମୁକାବିଲା ହେବ
ସୂଚନାଯୋଗ୍ୟ, ଅକ୍ଟୋବର ୧୫ ରେ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଭାରତ ଏବଂ ପାକିସ୍ତାନ ମଧ୍ୟରେ ବିଶ୍ୱକପ ମ୍ୟାଚ୍ ଖେଳାଯିବ। ଏହାପୂର୍ବରୁ, ୨୦୨୨ ରେ ଖେଳାଯାଇଥିବା ଟି -୨୦ ବିଶ୍ୱକପରେ ଉଭୟ ଦଳ ମୁହାଁମୁହିଁ ହୋଇଥିଲେ, ଯେଉଁଥିରେ ଟିମ୍ ଇଣ୍ଡିଆ ଜିତିଥିଲା।
