ଅରୁଣିତାଙ୍କ ସହ ରୋଡ ଟ୍ରିପ୍‌ରେ ଯିବେ ପୱନଦୀପ ରାଜନ

(ମୁମ୍ବାଇ) : ଦୀର୍ଘତମ ଚାଲୁଥିବା ଗୀତ ରିଆଲିଟି ସୋ ‘ଇଣ୍ଡିଆନ୍ ଆଇଡଲ୍’ ସିଜନ୍ ୧୨ ଶେଷରେ ଶେଷ ହୋଇଛି ଏବଂ ପୱନଦୀପ ରାଜନଙ୍କୁ ବିଜେତା ଘୋଷିତ କରାଯାଇଛି । ଅରୁଣିତା କଞ୍ଜିଲାଲ ପ୍ରଥମ ରନର୍ ଅପ୍ ଏବଂ ସାୟଲି କାମ୍ବଲେ ଦ୍ୱିତୀୟ ରନର୍ ଅପ୍ ହୋଇଥିଲେ। ଚତୁର୍ଥ ସ୍ଥାନରେ ମହମ୍ମଦ ଦାନିଶ ରହିଥିଲେ। ନିକଟରେ ଏକ ସାକ୍ଷାତକାରରେ ପଓ୍ବନଦୀପ ରାଜନ କହିଛନ୍ତି ଯେ ସେ ଅନ୍ୟ ଫାଇନାଲିଷ୍ଟଙ୍କ ସହ ଏକ ସଡ଼କ ଯାତ୍ରା କରିବାକୁ ଯୋଜନା କରୁଛନ୍ତି, ଯେଉଁଥିରେ ଅରୁଣିତା ମଧ୍ୟ ସାମିଲ ଅଛନ୍ତି।

ସୂଚନାନୁଯାୟୀ , ବଲିଉଡ ଲାଇଫ ସହ ବାର୍ତ୍ତାଳାପ ବେଳେ ସେ କହିଥିଲେ, ‘ମୁଁ ମୋର ୬ଜଣ ସାଙ୍ଗଙ୍କ ସହ କେଦାରନାଥ ଯାଉଛି। ଏହା ପରେ, ମୁଁ ମା ଏବଂ ବାପାଙ୍କୁ ମଧ୍ୟ ବୁଲାଇବି । ପ୍ରଥମ ୧୦ ଦିନ ପାଇଁ, ମୁଁ ମୋର ଇଣ୍ଡିଆନ୍ ଆଇଡଲ୍ ପରିବାର ସହିତ ଛୁଟିରେ ଯିବାକୁ ଚାହେଁ। ଏହାପୂର୍ବରୁ ଆମେ ସମସ୍ତେ ନିଜ ନିଜ ଘରକୁ ଯାଉଛୁ । ପରିବାର ସହିତ ସମୟ ଅତିବାହିତ କରିବା ପରେ ଆମେ କେଦାରନାଥ ଯିବୁ ଏବଂ ମୁମ୍ବାଇ ଆସି ଗୋଟିଏ ବିଲଡିଂରେ ଘର ନେବୁ ଏବଂ ଏକାଠି ରହିବୁ। ସେ ଏହା ମଧ୍ୟ କହିଛନ୍ତି ଯେ ତାଙ୍କ ପିତା-ମାତା ତାଙ୍କୁ ‘ଇଣ୍ଡିଆନ୍ ଆଇଡଲ୍ ୧୨’ ଟ୍ରଫି ଉଠାଇବା ଦେଖି ପ୍ରକୃତରେ ବହୁତ ଖୁସି ଅଛନ୍ତି ।