ଜାପାନରରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

(ଦିଲ୍ଲୀ) : ଜାପାନର ରାଜଧାନୀ ଟୋକିଓରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେଠାରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ମେ ୨୪ରେ ହେବାକୁ ଥିବା କ୍ୱାଡ ଶିଖର ସମ୍ମିଳନୀରେ ସେ ଯୋଗଦେବେ ।

ଏହି ପରିପ୍ରେକ୍ଷୀରେ ମୋଦି କ୍ୱାଡ ନେତାମାନଙ୍କ ସହିତ ଅନ୍ୟ ପ୍ରମୁଖ ଅଧିକାରୀଙ୍କ ସହ ସାକ୍ଷାତ ଆଲୋଚନା କରିବେ । ଜାପାନରେ ନିଜର ୪୦ ଘଣ୍ଟା ରହଣି କାଳରେ ପ୍ରଧାନମନ୍ତ୍ରୀ ମୋଦି ପ୍ରାୟ ୨୩ଟି ବୈଠକରେ ସାମିଲ ହେବେ ବୋଲି ଜଣାପଡ଼ିଛି ।

ସୂଚନାନୁଯାୟୀ , ଜାପାନ ଗସ୍ତ ପୂର୍ବରୁ ପ୍ରଧାନମନ୍ତ୍ରୀ ମୋଦି ରବିବାର ଏକ ବିବୃତି ଦେଇ କହିଛନ୍ତି, ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଦାଙ୍କ ନିମନ୍ତ୍ରଣକ୍ରମେ ମୁଁ ମେ ୨୩ରୁ ୨୪ ଟୋକିଓ ଗସ୍ତ କରିବି । ଟୋକିଓ ଯାତ୍ରା ସମୟରେ ମୁଁ ଭାରତ-ଜାପାନ ବିଶେଷ ରଣନୀତିକ ତଥା ବୈଶ୍ୱିକ ସହଯୋଗିତାକୁ ମଜଭୁତ ଲାଗି ନିଜ କଥାବାର୍ତ୍ତାକୁ ଆଗକୁ ବଢ଼ାଇବା ପାଇଁ ବେଶ୍‌ ଆଗ୍ରହୀ ।