ନିର୍ମମ ହତ୍ୟାକାଣ୍ଡ ଘଟଣାର ପର୍ଦ୍ଧାଫାଶ କରିଛି ପୁରୀ ପୋଲିସ

0

ଗୋପ/ଜୟନ୍ତ କୁମାର ସେଠୀ: ପୁରୀ ତିଆଡ଼ି ବଗିଚା ନିକଟରେ ସୋଲ କାରିଗର ଜିତେନ୍ଦ୍ର ପୁରୋହିତଙ୍କୁ ନିର୍ମମ ହତ୍ୟାକାଣ୍ଡ ଘଟଣାର ପର୍ଦ୍ଧାଫାଶ କରିଛି ପୁରୀ ପୋଲିସ।ଏହି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗେଡୁ ମୁଣ୍ଡି ସହ ତା ଭାଇ ସାନମୁଣ୍ଡି ଓରଫ ଶିଵନାରାୟଣ ବିଶ୍ୱାଳ,ଅଗ ମୁଣ୍ଡି ଓରଫ ଲଷ୍ମୀନାରାୟକଣ ବିଶ୍ୱାଳ,ଆଶିଷ କୁମାର ରଥ ଓ ନିରଞ୍ଜନ ମହାନ୍ତିଙ୍କୁ ଗିରଫ କରାଯାଇଛି।ହତ୍ୟାକାଣ୍ଡରେ ବ୍ୟବହୃତ ମାରଣାସ୍ତ୍ର ଓ ବାଇକ ଜବତ ହୋଇଛି।ଘଟଣାକୁ ରେଡ଼ ଫ୍ଲାଗ କେସ ଭାବେ ପୋଲିସ ଗୁରୁତର ସହ ନେଇଛି।୩୦ଦିନ ଭିତରେ ହେବ ଚାର୍ଜସିଟ।ଏକଦା ଗେଡୁ ମୁଣ୍ଡି ଓ ଜିତେନ୍ଦ୍ର ପୁରୋହିତ ଭଲ ବନ୍ଧୁ ଥିଲେ।ଏକ ଅପରାଧ ଘଟଣାକୁ ନେଇ ବନ୍ଧୁରୁ ବଇରି ପାଲଟିଥିଲେ ଉଭୟ।ପୂର୍ବରୁ ଜିତେନ୍ଦ୍ରଙ୍କ ଘର ଉପରକୁ ବୋମାମାଡ଼ ମଧ୍ୟ ହୋଇଥିଲା।ଗତ ୨୫ତାରିଖରେ ଯୋଜନାବଦ୍ଧ ଭାବେ ଏହି ୫ ଜଣ ଜିତେନ୍ଦ୍ରଙ୍କୁ ହତ୍ୟା କରି ଫେରାର ହୋଇଯାଇଥିଲେ।ଏସପି କେ.ଵିଶାଲ ସିଂହଙ୍କ ନେତୃତ୍ବରେ ସିଟି ଡ଼ିଏସପି,ବାସେଳୀ ସାହି ଥାନା ଓ ଆଇଆଇସି ଓ ଟାଉନ ଥାନା ଆଇଆଇସିଙ୍କୁ ନେଇ ୩ଟି ସ୍ୱତନ୍ତ୍ର ଟିମ ଗଠନ କରାଯାଇ ଅଭିଯୁକ୍ତକୁ ଗିରଫ କରାଯାଇଛି।