(ମମତା ସାମଲ)ରିପୋର୍ଟସଟୁଡେ: ମଦ ପିଇ ଗଡିବା ପଡିଲା ମହଙ୍ଗା । ନିଲମ୍ବିତ ହେଲେ ମାତାଲ ପୋଲିସ ବାବୁ । ମଦ ପିଇ ମାତାଲ ହୋଇ ଗଡିବା ସମ୍ପର୍କରେ ଏସପି ଜାଣିବା ପରେ ପୋଲିସ ବାବୁଙ୍କୁ ନିଲମ୍ବନ କରାଯାଇଛି ।
ସୂଚନାନୁସାରେ, ମୟୁରଭଞ୍ଜ ବେତନଟୀ ଥାନାରେ ସବ୍ ଇନ୍ସପେକ୍ଟର ଭାବେ କାର୍ୟ୍ୟ କରୁଥିବା ସଚିଦାନନ୍ଦ କିଷାନ ଗତକାଲି ସଂଧ୍ୟାରେ ମଦ୍ୟପାନ କରି ମାତାଲ ଅବସ୍ଥାରେ ବେତନଟୀ ଥାନା ଛକ ନିକଟ ଏକ ଦୋକାନରେ ପଡିରହିଥିଲେ । ତେବେ ସ୍ଥାନୀୟ ଲୋକେ ଏହା ଦେଖି ଭିଡ଼ିଓ ଓ ଫଟୋ ଉତ୍ତେଳନ କରି ଏସପିଙ୍କୁ ଖବର ଦେଇଥିଲେ । ଭିଡ଼ିଓଟି ସୋସିଆଲ ମିଡ଼ିଆରେ ମଧ୍ୟ ଭାଇରାଲ ହୋଇଥିଲା । ଏହା ଉପରେ ଏସପି କାର୍ୟ୍ୟାନୁଷ୍ଠାନ ନେଇ ମାତାଲ ପୋଲିସ ବାବୁଙ୍କ ନିଲମ୍ବନ କରିଛନ୍ତି ।
