ମେଜର ଓ ତାଙ୍କ ବାନ୍ଧବୀଙ୍କୁ ଦୁର୍ବ୍ୟବହାର କରିଥିବା ରୋଡ ରୋମିଓଙ୍କୁ ବାନ୍ଧିବ ପୋଲିସ;ତଦନ୍ତ ନିର୍ଦ୍ଦେଶ ଦେଇଛନ୍ତି ଡିଜିପି

ଭୁବନେଶ୍ୱର;ବନ୍ଧା ହେବେ ରୋଡ ରୋମିଓ । ଏଣିକି ରୋଡ ରୋମିଓଙ୍କୁ ଗୋଡାଇ ଗୋଡାଇ ଧରିବ ପୋଲିସ । ମେଜର ଗୁରୁବଂଶ ଓ ତାଙ୍କ ବାନ୍ଧବୀଙ୍କୁ ଦୁର୍ବ୍ୟବହାର କରିଥିବା ରୋଡ ରୋମିଓଙ୍କୁ ବାନ୍ଧିବ ପୋଲିସ । ଏନେଇ ମାମଲା ରୁଜୁ କରିବା ସହ ତଦନ୍ତ ନିର୍ଦ୍ଦେଶ ଦେବା ସହ କ୍ରାଇମବ୍ରାଞ୍ଚ ତଦନ୍ତ ପାଇଁ ନିର୍ଦ୍ଦେଶ ମଧ୍ୟ ଦେଇଛନ୍ତି ଡିଜିପି । ଗତ ସେପ୍ଟେମ୍ବର ୧୪ ତାରିଖ ରାତିରେ ଜଣେ ମେଜର ତାଙ୍କ ବାନ୍ଧବୀଙ୍କୁ ଘରକୁ ଫେରୁଥିବା ବେଳେ ପଥରଗାଡିଆ ଓ ଭରତପୁର ରାସ୍ତାରେ ଦୁଇ ଯୁବକ ଏକ କାରରେ ଆସି ତାଙ୍କୁ ଦୁର୍ବ୍ୟବହାର କରିଥିଲେ । ଖାଲି ସେତିକି ନୁହେଁ ନିଶାସକ୍ତ ଅବସ୍ଥାରେ ଅଶ୍ଳିଳ ଇଙ୍ଗିତ ସହ ମାଡ ମାରିବାକୁ ଧମକ ଦେଇଥିଲେ । ଯାହାଫଳରେ ଏହି ଘଟଣାକୁ ନେଇ ମେଜର ଓ ତାଙ୍କ ବାନ୍ଧବୀ ଥାନାକୁ ଯାଇଥିଲେ । ଭରତପୁର ଥାନାରେ ବି ପୋଲିସ ତାଙ୍କୁ ଦୁର୍ବ୍ୟବହାର କରିବା ସହ ମାଡ ମାରିଥିବା ସେ ଅଭିଯୋଗ ଆଣିଥିଲେ । ଏହି ଘଟଣାକୁ ନେଇ ଅବସରପ୍ରାପ୍ତ ନ୍ୟାୟ ଦାବିରେ ରାଜରାସ୍ତାକୁ ଓହ୍ଲାଇଥିଲେ, କ୍ରାଇମ ଆକ୍ସନ ପାଇଁ ଦାବି କରି କମିଶନରଙ୍କୁ ଭେଟିଥିଲେ । କମିଶନର ପ୍ରତିଶ୍ରୁତି ଦେବା ପରେ ଶାନ୍ତ ପଡିଥିଲେ ଅବସର ସେନାକର୍ମଚାରୀ । ସେପଟେ ତତକାଳିନ ଥାନା ଅଧିକାରୀଙ୍କ ସହ ଅନ୍ୟ ପୋଲିସ ଷ୍ଟାପମାନଙ୍କର ବୟାନ ରେକର୍ଡ କରାଯାଇଛି । ଆଗାମୀ ଦିନରେ ମେଜର ଓ ତାଙ୍କ ବାନ୍ଧବୀଙ୍କ ବୟାନ ରେକର୍ଡ କରାଯିବ ବୋଲି କହିଛନ୍ତି ଡିଜିପି ।