ରେଡ୍ କାର୍ପେଟରେ ପହଞ୍ଚିବା ପୂର୍ବରୁ ସୁଟକେସ ହଜାଇଦେଲେ ଅଭିନେତ୍ରୀ

(ମୁମ୍ବାଇ) : କାନ୍ସ ଫିଲ୍ମ ଫେଷ୍ଟିଭାଲ ୨୦୨୨ରେ ବଲିଉଡ ହସିନା ନିଜ ଜଲୱା ଦେଖାଇ ସମସ୍ତଙ୍କ ମନ କିଣୁଛନ୍ତି ।ପୂଜା ହେଗଡେ ତାଙ୍କ ଲୁକ୍ ଏବଂ ଡ୍ରେସିଂ ସେନ୍ସରେ ସହିତ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି। କିନ୍ତୁ ଆପଣ ଜାଣନ୍ତି କି ରେଡ୍ କାର୍ପେଟରେ ପହଞ୍ଚିବା ପୂର୍ବରୁ ଅଭିନେତ୍ରୀଙ୍କ ସହ ଏକ ବଡ ଦୁର୍ଘଟଣା ଘଟିଛି।

ପୂଜା ହେଗଡେ ତାଙ୍କର ସମସ୍ତ ପ୍ରସ୍ତୁତି ସହିତ କାନ୍ସ ଫେଷ୍ଟିଭାଲ୍ ପାଇଁ ଭାରତ ବାହାରିଥିଲେ। ପ୍ରତ୍ୟେକ ଦିନ ପାଇଁ ଡିଜାଇନର୍ ଆଉଟ୍‌ଫିଟ୍, ମେକ୍ ଅପ୍, ଜ୍ୱେଲେରୀ ସବୁକିଛି ତାଙ୍କ ସୁଟକେସରେ ସେଟ୍ ଥିଲା କିନ୍ତୁ ବୁଧବାର ଯେତେବେଳେ ତାଙ୍କୁ ରେଡ୍ କାର୍ପେଟରେ ପହଞ୍ଚିବାର ଥିଲା, ସେତେବେଳେ ତାଙ୍କ ସୁଟକେସ୍ ହଜି ଯାଇଥିଲା। ଏକ ଇଣ୍ଟରଭ୍ୟୁରେ ପୂଜା ଏହା ପ୍ରକାଶ କରିଛନ୍ତି।

ପୂଜା କହିଛନ୍ତି, ସୁଟକେସ୍‌ରେ ତାଙ୍କର ସମସ୍ତ ଆସେସୋରିଜ୍ ଥିଲା, ଯାହା ସେ ସେ କାନ୍ସ ଫେଷ୍ଟିଭାଲରେ ପିନ୍ଧିଥାନ୍ତେ। ଶେଷ ମୁହୂର୍ତ୍ତରେ ଏହା ତାଙ୍କ ସହିତ ଘଟିଥିଲା, ଯେଉଁ କାରଣରୁ ସେ ଚିନ୍ତିତ ହୋଇ ଖୁବ୍ କାନ୍ଦିଥିଲେ। ତାଙ୍କ ମ୍ୟାନେଜର ବହୁତ ଡରି ଯାଇଥିଲେ, କିନ୍ତୁ ପରେ ପୂଜା ନିଜକୁ ସମ୍ଭାଳି ତୁରନ୍ତ ସବୁକିଛି ଯୋଗାଡ କରିଦେଲେ।