ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି ପୁନମଙ୍କ ଝିଅ ପାଲୋମା ଠାକେରିଆ
ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି ବଲିଉଡ୍ ଅଭିନେତ୍ରୀ ପୁନମ ଢିଲୋନଙ୍କ ଝିଅ ପାଲୋମା ଠାକେରିଆ ଢିଲୋନ । ପାଲୋମା ତାଙ୍କର ପ୍ରଥମ ଫିଲ୍ମ ରାଜଶ୍ରୀ ପ୍ରଡକ୍ସନ୍ସ ସହିତ ସାଇନ୍ କରିଛନ୍ତି।
(ମୁମ୍ବାଇ) : ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି ବଲିଉଡ୍ ଅଭିନେତ୍ରୀ ପୁନମ ଢିଲୋନଙ୍କ ଝିଅ ପାଲୋମା ଠାକେରିଆ ଢିଲୋନ । ପାଲୋମା ତାଙ୍କର ପ୍ରଥମ ଫିଲ୍ମ ରାଜଶ୍ରୀ ପ୍ରଡକ୍ସନ୍ସ ସହିତ ସାଇନ୍ କରିଛନ୍ତି।
ଅବିନାଶ ବଡ଼ଜାତ୍ୟା ଏହି ଫିଲ୍ମର ନିର୍ଦ୍ଦେଶନା ଦେବେ। ଏଥିରେ ପାଲୋମାଙ୍କ ସହିତ ମୁଖ୍ୟ ଚରିତ୍ରରେ ରହିବେ ସନ୍ନି ଦେଓଲଙ୍କ ପୁଅ ରାଜବୀର। ପୁନମ ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ ଝିଅ ପାଲୋମାଙ୍କ ଦୁଇଟି ଫଟୋ ଶେଆର କରିଛନ୍ତି।
ସୂଚନାନୁଯାୟୀ , ରାଜଶ୍ରୀ ଫିଲ୍ମସର ଏକ ସୋଶାଲ ମିଡିଆ ପୋଷ୍ଟକୁ ଶେଆର କରିଛନ୍ତି, ଯେଉଁଥିରେ ପାଲୋମା ଓ ରାଜବୀରଙ୍କୁ ନେଇ ନୂଆ ଫିଲ୍ମ ହେବାକୁ ଯାଉଛି ବୋଲି ଘୋଷଣା କରାଯାଇଛି। ଏ ସବୁ ପୋଷ୍ଟ କରି ପୁନମ ତାଙ୍କ ଝିଅକୁ ଅଭିନନ୍ଦନ ଜଣାଇଛନ୍ତି ଓ ସଫଳତା କାମନା କରିଛନ୍ତି। ଏହା ତାଙ୍କ ଝିଅ ପାଇଁ ସୁପର ଲଞ୍ଚ୍ ବୋଲି ପୁନମ ଲେଖିଛନ୍ତି। କାରଣ ରାଜଶ୍ରୀ ପ୍ରଡକ୍ସନ୍ସ ହେଉଛି ଦେଶର ଅନ୍ୟତମ ଜଣାଶୁଣା ତଥା ପ୍ରସିଦ୍ଧ ଫିଲ୍ମ ନିର୍ମାଣକାରୀ ସଂସ୍ଥା।
ପୁନମଙ୍କ ଏହି ପୋଷ୍ଟ ପରେ ବଲିଉଡ୍ରୁ ମଧ୍ୟ ତାଙ୍କୁ ଓ ପାଲୋମାଙ୍କୁ ଅଭିନନ୍ଦନର ସୁଅ ଛୁଟିଛି। ଶ୍ରଦ୍ଧା କପୁର ଓ ଟାଇଗର ଶ୍ରଫ ପ୍ରମୁଖ ପାଲୋମାଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି।