ନୂଆଦିଲ୍ଲୀ: ପୋଲିସ କର୍ମୀଙ୍କ ସହ ଡିନର କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଜି-୨୦ର ସଫଳ ଆୟୋଜନ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତ ମଣ୍ଡପମ୍ରେ ପୋଲିସ, ପାରାମିଲିଟାରୀ ଏବଂ ଅନ୍ୟାନ୍ୟ ଏଜେନ୍ସିଙ୍କ ସହିତ ରାତ୍ରି ଭୋଜନକରିଛନ୍ତି । ପିଏମ୍ ମୋଦି ଭାରତ ମଣ୍ଡପମ୍ରେ ପହଞ୍ଚିବା ପରେ ମୋଦି ସମସ୍ତଙ୍କୁ ଜି-୨୦ର ସଫଳ ଆୟୋଜନ ପାଇଁ ଧନ୍ୟବାଦ ଜଣାଇଥିଲେ। ପ୍ରଧାନମନ୍ତ୍ରୀ ମୋଦି ଲୋକମାନଙ୍କୁ ସମ୍ବୋଧିତ କଲା ବେଳେ ନିଜକୁ ଦେଶର ସବୁଠାରୁ ବଡ଼ ଶ୍ରମିକ ବୋଲି ବର୍ଣ୍ଣନା କରିଥିଲେ ଏବଂ ଅତିଥିମାନଙ୍କୁ ଛୋଟ ଶ୍ରମିକ ବୋଲି କହିଥିଲେ। ମୋଦି କହିଥିଲେ ଯେ ଆପଣଙ୍କ ଯୋଗୁ ଆଜି ଭାରତ ଏବଂ ଜି-୨୦ର ସଫଳତାକୁ ନେଇ ସାରା ବିଶ୍ୱରେ ପ୍ରଶଂସା ହେଉଛି।ଆପଣ ସମସ୍ତେ ମିଶି ଦେଶର ନାମ ଉଜ୍ଜ୍ୱଳ କରିଛନ୍ତି। ପ୍ରଧାନମନ୍ତ୍ରୀ ଆହୁରି କହିଥିଲେ ଯେ ଆମେ ସମସ୍ତେ ଶ୍ରମିକ। ଆଜିର କାର୍ଯ୍ୟକ୍ରମ ମଧ୍ୟ ଶ୍ରମିକ ଏକତା ଜିନ୍ଦାବାଦର ରହିଛି। ଚାରିଆଡ଼ୁ ପ୍ରଶଂସା ଶୁଣିବାକୁ ମିଳୁଛି। ଏହା ପଛରେ ଯାହାର ପୁରୁଷାର୍ଥ ରହିଛି, ଯେଉଁମାନେ ଦିନରାତି ଲାଗିଥିଲେ, ଯେଉଁମାନଙ୍କ ଯୋଗୁ ଏହି ସଫଳତା ମିଳିଛି, ସେମାନେ ହେଉଛନ୍ତି ଆପଣ ସମସ୍ତେ। ଏହି କାର୍ଯ୍ୟକ୍ରମରେ ଗୃହମନ୍ତ୍ରୀ ଅମିତ ଶାହ, ଦିଲ୍ଲୀ ପୋଲିସ କମିଶନର ସଞ୍ଜୟ ଅରୋରା, ସ୍ୱତନ୍ତ୍ର କମିଶନର ଆର୍.ଏସ୍ କୃଷ୍ଣୟାଙ୍କ ସମେତ ୨୫ ଜଣ ବରିଷ୍ଠ ଅଧିକାରୀ ଏବଂ ଦିଲ୍ଲୀ ପୋଲିସର ପାଖାପାଖି ୨୫୦ କର୍ମଚାରୀ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମରେ ପାରାମିଲିଟାରୀ ଫୋର୍ସ, ଏନଡିଏମସି, ଏନଡିଆରଏଫ ଏବଂ ଅନ୍ୟାନ୍ୟ ଏଜେନ୍ସିର ପ୍ରାୟ ୩ ହଜାର ଲୋକ ସାମିଲ ହୋଇଥିଲେ।
