ବନ୍ୟା ଦ୍ୱାରା ନଷ୍ଟ ହୋଇଯାଇଥିବା କେରଳର ୱାୟାନାଡକୁ ପୁନର୍ଜୀବିତ କରିବାରେ ୱାୟାନାଡ ସାଂସଦ ପ୍ରିୟଙ୍କା ଗାନ୍ଧୀ କ୍ରମାଗତ ଭାବରେ ସକ୍ରିୟ ଅଛନ୍ତି। ବୁଧବାର ପ୍ରିୟଙ୍କା ଗାନ୍ଧୀ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟି ୱାୟାନାଡ ପାଇଁ ଏକ ସ୍ୱତନ୍ତ୍ର ପ୍ୟାକେଜ୍ ଦାବି କରିଛନ୍ତି। ପ୍ରିୟଙ୍କା ଅମିତ ଶାହାଙ୍କ ଠାରୁ ୱାୟାନାଡ ପାଇଁ ୨୨୨୧ କୋଟି ଟଙ୍କା ରିଲିଫ ପାଣ୍ଠି ଛାଡ କରିବାକୁ ଦାବି କରିଛନ୍ତି।ବୈଠକ ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ପ୍ରିୟଙ୍କା କହିଛନ୍ତି ଯେ ବନ୍ୟା ଯୋଗୁଁ ୱାୟାନାଡ ବହୁ ଅସୁବିଧାର ସମ୍ମୁଖୀନ ହୋଇଛି। ସେଠାରେ ରିଲିଫ କାର୍ୟ୍ୟ ପାଇଁ କ’ଣ ଆବଶ୍ୟକ ତାହା ଆମେ ଗୃହମନ୍ତ୍ରୀଙ୍କୁ ଜଣାଇଛୁ। ଗୃହମନ୍ତ୍ରୀ ସକରାତ୍ମକ ଆଶ୍ୱାସନା ଦେଇଛନ୍ତି। ପ୍ରିୟଙ୍କା ଆହୁରି କହିଛନ୍ତି ଯେ ମୁଁ ସବୁ ଦଳର ସାଂସଦଙ୍କ ସହ ଗୃହମନ୍ତ୍ରୀଙ୍କ ନିକଟକୁ ଯାଇଥିଲି। ସେ କହିଛନ୍ତି ଯେ ଆମେ ଏହା ଉପରେ ନିରନ୍ତର କାର୍ୟ୍ୟ କରୁଛୁ। ୱାୟାନାଡ ପାଇଁ ଯାହା କିଛି ଦାବି କରାଯାଉଛି ତାହା ଠିକ୍ ।
କହିରଖୁଛୁ ଯେ କେରଳର ୱାୟାନାଡକୁ ଜୁଲାଇ-ଅଗଷ୍ଟ ମାସରେ ବିପର୍ୟ୍ୟୟର ସମ୍ମୁଖୀନ ହୋଇଥିଲା। ପ୍ରିୟଙ୍କା ଗାନ୍ଧୀଙ୍କ ଅନୁଯାୟୀ ଏହି ବନ୍ୟା ଯୋଗୁଁ ପ୍ରାୟ ୪୦୦ ଲୋକ ପ୍ରାଣ ହରାଇଛନ୍ତି। ୱାୟାନାଡରେ ଏହି ବନ୍ୟାକୁ ଜାତୀୟ ବିପର୍ୟ୍ୟୟ ଘୋଷଣା କରିବାକୁ କେରଳ ସରକାର ଦାବି କରିଥିଲେ ମଧ୍ୟ କେନ୍ଦ୍ର ଏହାକୁ ପ୍ରତ୍ୟାଖ୍ୟାନ କରିଥିଲା। କେରଳ ସରକାର କହିଛନ୍ତି ଯେ ଜାତୀୟ ବିପର୍ୟ୍ୟୟ ଘୋଷଣା ନକରି ଏଠାରେ ରିଲିଫ ଏବଂ ଥଇଥାନ କାର୍ୟ୍ୟ ସହଜ ନୁହେଁ। ଏଥିପାଇଁ କେରଳ ସରକାର ଏଥିରୁ ୨ ହଜାର କୋଟି ଟଙ୍କା ମାଗିଥିଲେ।ସମସ୍ତ ନେତା ଏହି ବନ୍ୟାକୁ ଏକ ଭୟଙ୍କର ଦୁଃଖଦ ଘଟଣା ବୋଲି କହିଛନ୍ତି।