ରାଇରଙ୍ଗପୁର/ ସତ୍ୟାନାରୟଣ ପାଲ : ଡାକ ବିଭାଗକୁ ଲୋକାଭିମୁଖୀ କରିବାକୁ ପୋଷ୍ଟ ଫରମ ବ୍ୟବସ୍ଥା ବହୁ ଦିନରୁ ପ୍ରଚଳିତ କରିଛି l ଏ ପରିପ୍ରେକ୍ଷୀରେ ଆଜି ଅପରାହ୍ନ ୩ ଘଟିକା ସମୟରେ ଫରମର ତ୍ରୟ ମାସିକ ବେଠକ ପ୍ରଧାନ ଡାକପାଳ ରାମେଶ୍ୱର ହେମ୍ବ୍ରମ ଙ୍କ ସଭାପତିତ୍ୱରେ ହୋଇଯାଇଛି l ଏହି କାର୍ଯକ୍ରମରେ ଫରମର ସଭ୍ୟ ସାମ୍ବାଦିକ ସୁରଥ କୁମାର ପଟ୍ଟନାୟକ, ଅଧିବକ୍ତା ସୁଧାଂଶୁ ମହାନ୍ତ, ବଣିକ ସଂଘର ସଭାପତି ମହାବୀର ପ୍ରସାଦ ଅଗ୍ରୱାଲ, ସେବା ସ୍ଥମ୍ଭ ର ଜାତୀୟ ସମ୍ପାଦକ ମୁଚିରାମ ହେମ୍ବ୍ରମ, ସମାଜ ସେବୀ ଗୁଲୁ ମାଝୀ, ଅନୁସୂଚିତ ଜାତି, ଜନଜାତି ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ପଦ୍ମାଳୟା ସୋରେନ ଉପସ୍ଥିତ ଥିଲେ l ପୋଷ୍ଟ ଫରମର ଆବଶ୍ୟକତା ସମ୍ବନ୍ଧରେ ରାଇରଙ୍ଗପୁର ଡିଭିଜନର ସୁପରିଣ୍ଟେଣ୍ଡେଣ୍ଟ ଗୌରାଙ୍ଗ ଚରଣ ବେହେରା ବିସ୍ତୃତ ଭାବରେ ଆଲୋଚନା କରିଥିଲେ l ସହାୟକ ଡାକପାଳ ମକରା ବାନରା ଉପସ୍ଥିତ ସଭ୍ୟ, ସଭ୍ୟାଙ୍କ ମତାମତ ଲୋଡ଼ିଥିଲେ l ଉପସ୍ଥିତ ସଭ୍ୟ, ସଭ୍ୟା ଡାକ ବିଭାଗକୁ ଲୋକାଭିମୁଖୀ କରିବାକୁ, ବିଜ୍ଞ୍ୟାପନ ଫଳକ, ପୋଷ୍ଟ ବିଭାଗରେ କାର୍ଯ୍ୟ ରତ କର୍ମଚାରୀଙ୍କ ପୋଷାକ, ସଚେତନତା କାର୍ଯକ୍ରମ, ବୟସ୍କ ବ୍ୟକ୍ତିଙ୍କ ପାଇଁ ସ୍ୱତନ୍ତ୍ର ସୁବିଧା, ପାନୀୟ ଜଳର ସୁବ୍ୟବସ୍ଥା କଥା ବୈଠକରେ ଆଲୋଚନା କରିଥିଲେ l ଏହାକୁ ସର୍ବ ସହମତି ରେ ଗ୍ରହଣ କରାଯାଇ ଆଗାମୀ କିଛି ଦିନ ମଧ୍ୟରେ କାର୍ଯକାରୀ କରାଯିବା କଥା ସୁପରିଟେଣ୍ଡେଣ୍ଟ କହିଥିଲେ l ଆଗାମୀ ଦିନରେ ରାଇରଙ୍ଗପୁର ଡିଭିଜନ ରେ ପାସ ପୋର୍ଟ ଦେବା କଥା ସୁପରି ଟେଣ୍ଡେଣ୍ଟ ପ୍ରକାଶ କରିଛନ୍ତି l
