ଓଡିଶା: ଅକ୍ଟୋବରରେ ଓଡିଶା ଆସି ପାରନ୍ତି ରାହୁଲ । ରାହୁଲ ଆସିବା ନେଇ ସୂଚନା ଦେଇଛନ୍ତି ବିଧାୟକ ଅଧିରାଜ ପାଣିଗ୍ରାହୀ । ୫ଜଣ ବିଧାୟକ ଦିଲ୍ଲୀ ଯାଇ ରାହୁଲ ଗାନ୍ଧୀଙ୍କୁ ଭେଟିଛୁ ଆଉ ଆଲୋଚନା କରିଛୁ ବୋଲି କହିଛନ୍ତି ବିଧାୟକ । ସେଠାରେ ରାଜ୍ୟ କଂଗ୍ରେସ ସଂଗଠନକୁ ନେଇ ବି ବିସ୍ତୃତ ଆଲୋଚନା ହୋଇଛି । ଏବଂ ରାହୁଲ ଓଡିଶା ଆସିବାକୁ ସହମତି ପ୍ରକାଶ କରିଥିବାବେଳେ ଅକ୍ଟୋବର ମାସ ଶେଷ ଶୁଦ୍ଧା ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଓଡିଶା ଆସି ପାରନ୍ତି ବୋଲି କଂଗ୍ରେସ ବିଧାୟକ ଅଧିରାଜ ପାଣିଗ୍ରାହ କହିଛନ୍ତି । ଏହା ସହ ୪ଟି ଜୋନ୍ ରେ ବୈଠକ କରିବାକୁ ରାଜ୍ୟ କଂଗ୍ରେସ ପ୍ରସ୍ତାବ ଦେଇଥିବାବେଳେ ରାହୁଲ ଏହି ସ୍ଥାନକୁ ଯାଇ ସଭା କରିବାର ସମ୍ଭାବନା ରହିଛି ।
