ବାଙ୍କୀ : ଯବାନଙ୍କ ମାଡରେ ମହିଳା ଥାନା ଅଧିକାରୀ ଗୁରୁତର । ଏପରି ଅଭାବନୀୟ ଘଟଣା ଘଟିଛି ବାଙ୍କୀ ଥାନା ଅନ୍ତର୍ଗତ ସିମିଳିପୁରରେ । ଉନ୍ମତ ଅବସରପ୍ରାପ୍ତ ଯବାନଙ୍କୁ ଧରିବାକୁ ଯାଇ ଏପରି ଘଟଣା ଘଟିଛି । ଗତଶୁକ୍ରବାର ବାଙ୍କୀ କଚେରୀ ଛକରେ ଆତଙ୍କ ସୃଷ୍ଟି କରିଥିବା ସରୋଜ ଦାସ ପୋଲିସ ହାତରୁ ଖସି ଆସିଥିଲେ ।
ଆଜି ସିମିଳି ପୁର ଖେଳ ପଡିଆ ରେ କିଛି ଯୁବକ ଙ୍କୁ ଧରି ଏକ ସଭା କରୁଥିବାର ଖବର ପାଇଥିଲା ପୋଲିସ। ବାଙ୍କୀ ଏସଡିପିଓ ପୋଲିସ ଟିମ ସହ ସଦଳବଳେ ସେଠାରେ ସାଧା ପୋଷାକ ରେ ପହଞ୍ଚି ଥିଲେ। ସେଠାରେ ସରୋଜ ଦାସ ବାଙ୍କୀ ଥାନା ମହିଳା ସବ ଇନ୍ସପେକ୍ଟର ମଧୁସ୍ମିତା ବେହେରା ଙ୍କୁ ଠେଲାପେଲା କରି ମାଡ ମାରିଥିଲେ।
ପୋଲିସ୍ ଟିମ କୁ ମଧ୍ୟ ମାଡ ମାରିବା କୁ ଉଦ୍ୟମ କରି ଥିଲେ। ସରୋଜଙ୍କ ସହିତ ତାଙ୍କ ସମର୍ଥକ ମାନେ ଶହ ଶହ ଲୋକ ଙ୍କ ଉପସ୍ଥିତ ରେ ପୋଲିସକୁ ଧକ୍କା ମାରି ତଡି ଦେଇଥିଲେ। ପୋଲିସ୍ ଅପଦସ୍ଥ ହୋଇ ସରୋଜ ଙ୍କୁ ଧରି ନ ପାରି ଫେରି ଆସିଛନ୍ତି।