ଭୁବନେଶ୍ୱର : କମିଶନରେଟ ପୋଲିସ ପଞ୍ଝାରେ କୁଖ୍ୟାତ ଡକାୟତ ଚକରାର ସହଯୋଗୀ । ୭ ଜଣଙ୍କୁ ଗିରଫ କରିଛି କମିଶନରେଟ୍ ପୋଲିସ । ସେହି ୭ ଜଣଙ୍କ ମଧ୍ୟରେ ଜଣେ ମହିଳା ଅଛନ୍ତି । ମହିଳା ଜଣଙ୍କ ଚୋରି ସୁନା କିଣୁଥିଲେ । ସମସ୍ତ ଅଭିଯୁକ୍ତ ରାଜଧାନୀର ବିଭିନ୍ନ ବସ୍ତିର ବୋଲି ଜଣାପଡ଼ିଛି । ବିଭିନ୍ନ ସ୍ଥାନରେ ରାତି ଅଧିଆ ଘରେ ପଶି କରୁଥିଲେ ଡକାୟତି । ଏମାନଙ୍କ ନାଁରେ ୨୨ଟି ମାମଲା ରହିଛି । ଖଣ୍ଡଗିରି, ନୟାପଲ୍ଲୀ, ଧଉଳି ଥାନାରେ ଏମାନଙ୍କ ବିରୋଧରେ ମାମଲା ରହିଛି । ସ୍ପେଶାଲ ସ୍କ୍ୱାଡ୍ ଗିରଫଙ୍କ ଠାରୁ ମାରଣାସ୍ତ୍ର, ଟଙ୍କା, ମୋବାଇଲ୍ ଜବତ କରିଛି । ଏ ନେଇ ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।