ରୋହିତ ଶର୍ମା ଜବରଜସ୍ତ ଫର୍ମରେ ଅଛନ୍ତି । ବୋଲରଙ୍କ ନିଦ ହଜାଇ ଦେଇଛନ୍ତି ହିଟ ମ୍ୟାନ । ଖାସ କରି କରି ପାୱାରପ୍ଲେରେ ବୋଲରଙ୍କୁ ନିର୍ଘାତ ପିଟୁଛନ୍ତି । ଯାହାଫଳରେ ଖାଲି ପାୱାରପ୍ଲେ ନୁହେଁ ବରଂ ପୁରାମ୍ୟାଚର ଲୟ ବିଗାଡି ଦେଉଛନ୍ତି ରୋହିତ । ୨୦୨୩ ବିଶ୍ୱକପରେ ଏବେ ସୁଦ୍ଧା ରୋହିତ ଶର୍ମା ୩୧୧ରନ ସଂଗ୍ରହ କରିସାରିଲେଣି ।
ବିଶ୍ୱକପ୍ ୨୦୨୩ରେ ଭାରତର ପ୍ରଥମ ମ୍ୟାଚ୍ ଅଷ୍ଟ୍ରେଲିଆ ବିପକ୍ଷରେ ଥିଲା । ଏଥିରେ ରୋହିତ ଶର୍ମା ଖାତା ଖୋଲିପାରିନଥିଲେ । ଏହାପରେ ଆଫଗାନିସ୍ତାନ ବିରୋଧରେ ଥିଲା ୨ୟ ମ୍ୟାଚ୍ । ଏହି ମ୍ୟାଚ୍ରେ ଖୁବ୍ ଗର୍ଜିଥିଲ ହିଟ୍ ମ୍ୟାନ୍ଙ୍କ ବ୍ୟାଟ୍ । ମାତ୍ର ୮୪ଟି ବଲ୍ରେ କରିଥିଲେ ୧୩୧ ରନ୍ । ଅକ୍ଟୋବର ୧୪ ଥିବା ପାକିସ୍ତାନ ବିପକ୍ଷ ମ୍ୟାଚ୍ରେ ରୋହିତଙ୍କ ଜଲଓ୍ୱା ଦେଖିବାକୁ ମିଳିଥିଲା । ଏହି ମ୍ୟାଚ୍ରେ ରୋହିତ ୬୩ ବଲ୍ ଖେଳି କରିଥିଲେ ୮୬ ରନ୍ । ଅକ୍ଟୋବର ୧୯ରେ ବାଂଲାଦେଶ ବିପକ୍ଷ ମ୍ୟାଚ୍ରେ ୪୦ ବଲ୍ରେ ଖେଳିଥିଲେ ୪୮ ରନ୍ । ଆଉ ପଞ୍ଚମ ମ୍ୟାଚ୍ ନ୍ୟୁଜିଲାଣ୍ଡ ବିପକ୍ଷରେ ବି ଥମିନଥିଲା ହିଟ୍ ମ୍ୟାନ୍ଙ୍କ ବ୍ୟାଟିଂର ଶୈଳୀ । ରବିବାର ଦିନ ଧର୍ମଶାଳାରେ ରୋହିତ ୪୦ ବଲ୍ରେ କରିଥିଲେ ୪୬ ରନ୍ । ମୋଟ ୫ଟି ମ୍ୟାଚ୍ ଖେଳି ୩୧୧ ରନ୍ ହାସଲ କରିଛନ୍ତି ରୋହିତ ଶର୍ମା । ବିଶ୍ୱକପ୍ ୨୦୨୩ରେ ରୋହିତଙ୍କ ଆକ୍ରାମକ ବ୍ୟାଟିଂ ଲାଗି ଟିମ୍କୁ ଯଥେଷ୍ଟ ଫାଇଦା ହେଉଛି ।
ଆଇସିସି ବିଶ୍ୱକପ୍ ୨୦୨୩ । ଟୁର୍ଣ୍ଣାମେଣ୍ଟରେ ଟିମ୍ ଇଣ୍ଡିଆ ଜବରଦସ୍ତ ଫର୍ମରେ ଚାଲିଛି । ପୁରା ଟିମ୍ ଏକଜୁଟ୍ ହୋଇ ଉଚ୍ଚକୋଟୀର ପ୍ରଦର୍ଶନ କରୁଛନ୍ତି ।ଯାହାଫଳରେ ଟିମ୍ ଇଣ୍ଡିଆ ବର୍ତ୍ତମାନ ସୁଦ୍ଧା ଖେଳାଯାଇଥିବା ସମସ୍ତ ୫ଟି ମୁକାବିଲାରେ ବିଜୟୀ ହୋଇଛି ।