ବଲିଉଡରେ ଖୁବଶୀଘ୍ର ଏଣ୍ଟ୍ରି କରିବେ ସଲମାନ ଖାନ୍‌ଙ୍କ ଭାଣିଜୀ ଅଲିଜେହ

(ମୁମ୍ବାଇ) : ବଲିଉଡରେ ଖୁବଶୀଘ୍ର ଏଣ୍ଟ୍ରି କରିବେ ଦବଙ୍ଗ ସଲମାନ ଖାନ୍‌ଙ୍କ ଭାଣିଜୀ ଅଲିଜେହ। ନିକଟରେ ଅଲିଜେହ ତାଙ୍କ ଫଟୋସୁଟ୍ କରିଛନ୍ତି। ଏହି ଫଟୋରେ ଅଲିହେଜଙ୍କ ବୋଲ୍ଡ ଆଉ କିଲର୍‌ ଲୁକ୍‌ ଦେଖିବାକୁ ମିଳିଛି। ସଲମାନ ଖାନଙ୍କ ଭାଣିଜୀ ଆଲିଜେହ ଅଗ୍ନିହୋତ୍ରି ବଲିଉଡର ଗ୍ଲାମର ଦୁନିଆ ଠାରୁ ଦୂରେଇ ରହିଥିଲେ ମଧ୍ୟ ଫ୍ୟାନ୍‌ ଫଲୋଇଂ ଢ଼େର ଅଧିକା। ତାଙ୍କୁ ବଡ ପରଦାରେ ଦେଖିବାକୁ ମିଳିବ।

ଆଗାମୀ ସମୟରେ ସେ ବଲିଉଡର ଅଭିନେତ୍ରୀଙ୍କ ତାଲିକାରେ ସାମିଲ ହୋଇପାରନ୍ତି। ଏକଥା ଆମେ ନୁହେଁ ବରଂ ତାଙ୍କ ଫଟୋସୁଟ୍ ଦେଖି ଫ୍ୟାନ୍ସମାନେ କହୁଛନ୍ତି। ଏହାକୁ ନେଇ ଏବେ ସୋଶାଲ ମିଡିଆରେ ହଇଚଇ ସୃଷ୍ଟି ହୋଇଛି।

ସୂଚନାନୁଯାୟୀ , ଅଲିଜେହ ନିକଟରେ ତାଙ୍କର କିଛି ଫଟୋ ସୋଶାଲ ମିଡିଆରେ ଶେୟାର କରିଛନ୍ତି, ଯେଉଁଥିରେ ପ୍ରଶଂସକମାନେ ତାଙ୍କୁ ପ୍ରଶଂସାରେ ପୋତି ପକାଇଛନ୍ତି। ୨୦୨୯ ମସିହାରେ, ଅତୁଲ ଅଗ୍ନିହୋତ୍ରୀ ତାଙ୍କ ଝିଅ ଅଲିଜେହ ଅଗ୍ନିହୋତ୍ରୀଙ୍କ ବଲିଉଡରେ ଡେବ୍ୟୁ କରିବା ବିଷୟରେ କହିଥିଲେ। ଏବେ ସେ କହିଛନ୍ତି, ‘କିଛି କହିବା ଠିକ୍ ହେବନି। ସମୟକୁ ଅପେକ୍ଷା କରିବାକୁ ପଡିବ। ଜଣେ ବାପା ଭାବେ ମୋର ଏକମାତ୍ର ଇଚ୍ଛା ସେ ସର୍ବଦା ସବୁ ପରିସ୍ଥିତିକୁ ସାମ୍ନା କରିବାକୁ ପ୍ରସ୍ତୁତ ରହୁ। ସେ ନିଜର ବେଷ୍ଟ ପରଫରମାନ୍ସ ଦେଉ।’