ସାଲେପୁର/ ତାରାକାନ୍ତ ନାୟକ : ପବିତ୍ର ରାମନବମୀ ଅବସରରେ ଆଜି ବଜରଙ୍ଗ ଦଳ ପକ୍ଷରୁ ସାଲେପୁର ବଜାରରେ ଠାରେ ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି। ବଜରଙ୍ଗ ଦଳ ପକ୍ଷରୁ ବହୁ ରାମଭକ୍ତ ଏକତ୍ରିତ ହୋଇ ପ୍ରଭୂ ଶ୍ରୀରାମଙ୍କ ଜନ୍ମ ଉତ୍ସବକୁ ବେସ ଧୁମ୍ ଧାମରେ ପାଳନ କରିବା ସହିତ ଏହି ଅବସରରେ ବଜରଙ୍ଗ ସେନା ପକ୍ଷରୁ ରଶ୍ମି ରଂଜନ ଲେଙ୍କାଙ୍କ ତତ୍ତ୍ଵାବଧାନରେ ଏକ ଶୋଭାଯାତ୍ରା ଜଗତପୁର ଗୋଳେଇ ଛକ ଠାରୁ ବାହାରି ପୀରବଜାର, ପଦ୍ମପୁର, ପଗା, ଶିଶୁଆ, ସାଲେପୁର, କୁଳିଆ, କେନ୍ଦୁପଟଣା, ଆଦି ବଜାର ପରିକ୍ରମା କରି ନିଶ୍ଚନ୍ତକୋଇଲି ପର୍ୟ୍ୟନ୍ତ ଯାଇଥିଲା। ଏହି ଶୋଭାଯାତ୍ରାରେ ସାଂସଦ ଅପରାଜିତା ଷଢଙ୍ଗୀ ଯୋଗ ଦେବା ସହ ବିଭିନ୍ନ ସ୍ଥାନରେ ସାଂସଦ ଶ୍ରୀମତୀ ଷଡ଼ଙ୍ଗୀଙ୍କୁ ବଜରଙ୍ଗ ଦଳ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିବା ଦେଖିବାକୁ ମିଳିଛି। ଅପରପକ୍ଷେ ଏହିଭଳି ଶୋଭାଯାତ୍ରାକୁ ନେଇ ସାଲେପୁର ଅଂଚଳରେ ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି।
