(ଅନୁସ୍ୱୟା)ଭୁବନେଶ୍ୱର: ଶନିବାର ଦିନ ଭାରତର ପୂର୍ବତନ ଅର୍ଥମନ୍ତ୍ରୀ ତଥା ବିଜେପିର ବରିଷ୍ଠ ନେତା ଅରୁଣ ଜେଟଲୀଙ୍କ ପରଲୋକ ହୋଇଯାଇଛି । ଆଜି ଜେଟଲୀଙ୍କ ଶେଷ କୃତ୍ୟ ଅନୁଷ୍ଠିତ ହେବ । ତେବେ ଜେଟ୍ଲୀଙ୍କ ବିୟୋଗରେ ସାରା ଦେଶରେ ଶୋକର ଛାୟା ଖେଳି ଯାଇଛି । ଏହାରି ମଧ୍ୟରେ ବାଲୁକା କଳା ମାଧ୍ୟମରେ ଅନ୍ତର୍ଜାତୀୟ ବାଲୁକା ଶିଳ୍ପୀ ମାନସ ସାହୁ ଶ୍ରଦ୍ଧାଞ୍ଜଳି ଦେଇଛନ୍ତି। ପୁରୀ ବେଳାଭୂମିରେ ସେ ଏହି ବାଲୁକା କଳା ନିର୍ମାଣ କରିଛନ୍ତି। ୫ ଟନ୍ ବାଲିରେ ୧୦ ଫୁଟ୍ ଓସାରରେ ନିର୍ମିତ ହୋଇଛି । ପ୍ରାୟ ୫ ଘଣ୍ଟା ଅକ୍ଲାନ୍ତ ପରିଶ୍ରମ କରି ଅରୁଣ ଜେଟଲୀଙ୍କ ବାଲୁକା କଳା କରି ତାଙ୍କୁ ଗଭୀର ଶ୍ରଦ୍ଧାଞ୍ଜଳି ଦେଇଛନ୍ତି ।
