ବଲିଉଡ ସୁପରଷ୍ଟାର ସଞ୍ଜୟ ଦତ୍ତନିଜର ଆକ୍ଟିଙ୍ଗକୁ ନେଇ ଖୁବ ଜଣାସୁଣା । ଏଥି ଭିତରେ ସାମ୍ନାକୁ ଆସିଛି ଏକ ବଡ ଖବର କନ୍ନଡ ଫିଲ୍ମ ‘କେଡି: ଦ ଡେଭିଲ୍’ର ସୁଟିଂ ସମୟରେ ସେ ଆହତ ହୋଇଛନ୍ତି । ଫିଲ୍ମରେ ଏକ ବିସ୍ଫୋରଣର ସିନ ସୁଟିଂ ସମୟରେ ସଞ୍ଜୟ ଦତ୍ତ ଆହତ ହୋଇଥିଲେ। ସୂଚନା ମୁତାବକ, ଯେତେବେଳେ ସେ ବୋମା ବିସ୍ଫୋରଣ ସିନ୍ର ସୁଟ୍ କରୁଥିଲେ, ସେହି ସମୟରେ ଗୁରୁତର ଆହତ ହୋଇଥିଲେ। ସଞ୍ଜୟଙ୍କ କହୁଣୀ, ହାତ ଏବଂ ଚେହେରାରେ ଗୁରୁତର ଆଘାତ ଲାଗିଛି।
ସଞ୍ଜୟ ଦତ୍ତ ଫାଇଟ୍ ମାଷ୍ଟର ଡକ୍ଟର ରବି ବର୍ମାଙ୍କ ଫିଲ୍ମ ‘କେଡି: ଦ ଡେଭିଲ୍’ ପାଇଁ ଫାଇଟ୍ କମ୍ପୋଜ୍ କରୁଥିଲେ। ଏହି ସମୟରେ ହଠାତ୍ ସେ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଏହି ଖବର ପରେ ସଞ୍ଜୟଙ୍କ ପ୍ରଶଂସକମାନେ ବହୁତ ଚିନ୍ତିତ ହୋଇପଡିଛନ୍ତି। ତାଙ୍କର ଶୀଘ୍ର ଆରୋଗ୍ୟ ପାଇଁ ସମସ୍ତେ ପ୍ରାର୍ଥନା କରୁଛନ୍ତି।