ମଣିପୁର:୫୦ରୁ ଅଧିକ ଦିନ ହେଲେ ବି ଥମିବାର ନା ନେଉନି ମଣିପୁର ହିଂସା । କେବଳ ରାଜଧାନୀ ନୁହେଁ ରାଜ୍ୟ ସାରା ଅସ୍ତବ୍ୟସ୍ତ ହୋଇପଡିଛି ଜନଜୀବନ । ହିଂସାରେ ପାଖାପାଖି ୧୨୦ଜଣଙ୍କ ମୃତ୍ୟୁ ହୋଇଥିବା ବେଳେ ୩୦୦୦ରୁ ଅଧିକ ଆହତ ହୋଇଥିବା କୁହାଯାଉଛି । ଏପରି ସ୍ଥଳେ ସ୍ଥିତି ନିୟନ୍ତ୍ରଣ କରିବାକୁ କଠୋର ହୋଇଛି ସୁରକ୍ଷାବଳ । ୨୪ ଘଣ୍ଟା ମଧ୍ୟରେ ହିଂସା ପ୍ରଭାବିତ ଇଲାକାକୁ ସିଲ କରି ଉଗ୍ରବାଦୀଙ୍କର ୧୨ଟି ବଙ୍କର ଧ୍ୱଂସ କରିଛି ସୁରକ୍ଷାବଳ । ୬ ଜିଲ୍ଲାରେ ଏବେବି ସର୍ଚ୍ଚ ଅପରେସନ୍ ଜାରି ରହିଛି । ଏବେଯାଏଁ ପାଖାପାଖି ୧୧୦୦ ହତିଆର, ୧୩୭୦୨ ଗୋଳାବାରୁଦ, ୨୫୦ ପ୍ରକାରର ବୋମା ଜବତ ହୋଇଥିବା ପୁଲିସ କହିଛି । ରାଜ୍ୟର ବିଭିନ୍ନ ଅଞ୍ଚଳରେ ଫ୍ଲାଗମାର୍ଚ୍ଚ ସହ ଘେରାବନ୍ଦୀ ଓ ତଲାସି ଜାରି ରଖିଛନ୍ତି ଉଭୟ ପୁଲିସ ଓ ସୁରକ୍ଷାବଳ ।
