ରୋଲ- କ୍ୟାମେରା- ଆକ୍ସନକୁ ଖୁବ୍ ଶୀଘ୍ର ସାମ୍ନା କରିବେ ପାକିସ୍ତାନୀ ସୀମା ହାଇଦର । ବଡ଼ ପରଦାରେ ଜଲୱା ଦେଖାଇବ ସଚିନ- ସୀମାଙ୍କ ସୀମା ପାର ପ୍ରେମ କାହାଣୀ । ପ୍ରଥମେ ସଚିନଙ୍କ ସହ ପ୍ରେମ, ତା’ପରେ ବେଆଇନ ଭାବେ ଭାରତରେ ପ୍ରବେଶ ଏବଂ ଏହାପରେ ପାକିସ୍ତାନୀ ଏଜେଣ୍ଟ ସନ୍ଦେହରେ ଏଟିଏସର ଯାଞ୍ଚରେ ସୀମା ଛନ୍ଦି ହୋଇ ରହିଥିବା ବେଳେ ସୀମାଙ୍କୁ ନେଇ ଏଭଳି କିଛି ରୋଚକ ଖବର ସାମ୍ନାକୁ ଆସିଛି । ପ୍ରେମ ପାଇଁ ନିଜ ସ୍ବାମୀଙ୍କୁ ଛାଡ଼ି ୪ ଜଣ ପିଲାଙ୍କୁ ସାଥୀରେ ଧରି ବେନିୟମ୍ ଭାବେ ସୀମା ପାର୍ କରି ଭାରତ ପ୍ରବେଶ କରିଥିବା ସୀମା ଫିଲ୍ମରେ ଅଭିନୟ କରିବେ ବୋଲି କୁହାଯାଇଥିଲା।
ସଚିନ ଓ ସୀମାଙ୍କ ପ୍ରେମ କାହାଣୀ ଉପରେ ଏକ ସିନେମା ନିର୍ମାଣ ହେବ ଏବଂ ସିନେମାର ନାମ ‘କରାଚି ଟୁ ନୋଇଡା’ ରହିବ ବୋଲି ଚର୍ଚ୍ଚା ହେଉଥିବା ବେଳେ ଏବେ ଏହି ଫିଲ୍ମ ପାଇଁ ଅଡିସନ ଆରମ୍ଭ ହୋଇଥିବାର ଫଟୋ ଓ ଭିଡିଓ ଭାଇରାଲ ହେଉଛି। ଗୁରୁବାର ଦିନ ଜାନି ଫାୟାରଫକ୍ସ ପ୍ରଡକ୍ସନ୍ ଦ୍ୱାରା ଏକ ଭିଡିଓ ସେୟାର କରାଯାଇଛି, ଯେଉଁଥିରେ ସୀମା ଓ ସଚିନଙ୍କ ଚରିତ୍ର ପାଇଁ ଅଡିସନ ଦେବାକୁ ଆସିଥିବା କଳାକାର ଅଡିସନ ଦେଉଥିବା ଦେଖାଯାଇଛି। ଫିଲ୍ମ ନିର୍ମାତା ଅମିତ ଜାନି ସୀମା ହାଇଦାର ଏବଂ ସଚିନ ମୀନାଙ୍କ ଉପରେ ଏହି ଫିଲ୍ମ ନିର୍ମାଣ କରୁଛନ୍ତି। ତେବେ ସୀମାଙ୍କୁ ଏଟିଏସ ପକ୍ଷରୁ କ୍ଲିନଚିଟ୍ ମିଳିନଥିବାରୁ ସେ ଏହି ଫିଲ୍ମରେ ଏପର୍ୟ୍ୟନ୍ତ କାମ କରିପାରିନାହାନ୍ତି। କ୍ଲିନଚିଟ୍ ମିଳିଲେ ଅଭିନୟ କରିବି ବୋଲି କହିଛନ୍ତି ସୀମା।