ଶାହାରୁଖ ଖାନଙ୍କ ଫିଲ୍ମ ଜବାନ ଗତକାଲି ରିଲିଜ ହୋଇଛି । ଏହି ଫିଲ୍ମ ରିଲିଜ ହେବା ଆଗରୁ ଟିକେଟ ବିକ୍ରିରେ ରେକର୍ଡ କରିଥିଲା । ସେଥିପାଇଁ ପ୍ରଥମ ଦିନରେ କେତେ ରୋଜଗାର କରିଛି ଏନେଇ ସମସ୍ତେ ଅପେକ୍ଷା କରି ରହିଛିନ୍ତି ।ଯଦିଓ ପୂର୍ବରୁ କିଛି ଫ୍ୟାନ୍ ଅନୁମାନ କରିସାରିଥିଲେ ଯେ ଶାହରୁଖଙ୍କ ଫିଲ୍ମ ବକ୍ସ ଅଫିସ୍ରେ ଜବରଦସ୍ତ କଲେକ୍ସନ କରିବ। ଆସନ୍ତୁ ଜାଣିବା, ଶାହାରୁଖଙ୍କ ଏହି ବହୁ ପ୍ରତୀକ୍ଷିତ ଫିଲ୍ମ ଏ ପର୍ଯ୍ୟନ୍ତ ବକ୍ସ ଅଫିସ୍ରେ କେତେ ଆୟ କରିଛି।
ବକ୍ସ ଅଫିସ୍ ସଂଗ୍ରହର ପ୍ରାଥମିକ ତଥ୍ୟ ଅନୁଯାୟୀ, ‘ଜବାନ’ ପ୍ରଥମ ଦିନରେ ଭାରତରେ ୭୫ କୋଟି ସଂଗ୍ରହ କରିଛି। ହିନ୍ଦୀ ଭାଷାରେ ୬୫ କୋଟି, ତାମିଲ ଭାଷାରେ ୫ କୋଟି ଏବଂ ତେଲୁଗୁ ଭାଷାରେ ୫ କୋଟି ନେଟ୍ କଲେକ୍ସନ ହୋଇଛି। ସେହିପରି ବିଶ୍ୱବ୍ୟାପୀ ୧୨୦ କୋଟି ଆୟ ହେବାର ସୂଚନା ରହିଛି।