ଯୋଡ଼ା / ରମେଶ ଚନ୍ଦ୍ର ମହାପାତ୍ର : ଚମ୍ପୁଆ ନିକଟସ୍ଥ ଝାରଖଣ୍ଡ ର ଜୟନ୍ତୀଗଡ ରେ ଗୁଳିକାଣ୍ଡ । ଏହି ଗୁଳିକାଣ୍ଡରେ ଜଣେ ଯୁବକ ଅଳ୍ପକେ ମୃତ୍ୟୁମୁଖରୁ ବର୍ତ୍ତି ଯାଇଛନ୍ତି। ତାଙ୍କୁ ଉଦ୍ଧାର କରାଯାଇ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ଯୁବକ ଜଣଙ୍କ ହେଲେ ଜୟନ୍ତୀ ଗଡ଼ ବାବୁ ସାହି ବାସିନ୍ଦା ସତ୍ୟଜିତ୍ କର । ସୂଚନା ଅନୁଯାୟୀ, ସେ ଜୟନ୍ତୀଗଡ ମୁଖ୍ୟ ବଜାର ରେ ଥିବା ନିଜର ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ୨୦ ନଂ ଜାତୀୟ ରାଜପଥ ବାବୁ ସାହି ନିକଟରେ ଦୁଇ ଜଣ ଦୁର୍ବୃତ୍ତ ଏକ ବାଇକ୍ ରେ ଆସି ତାଙ୍କ ଉପରେ ଗୁଳି ଚାଳନା କରିଥିଲେ । ଗୋଟିଏ ଗୁଳି ତାଙ୍କ ବାମ ହାତ ରେ ବାଜି ଥିବା ବେଳେ ଆଉ ଏକ ଗୁଳି କାନ୍ଧରେ ବାଜି ଥିବା ଜଣାପଡିଛି ଜ୍ଝ ଗୁଳିଚାଳନା ପରେ ଦୁଇ ଦୁର୍ବୃତ୍ତପଲସର ବାଇକ ଯୋଗେ ଚମ୍ପୁଆ ଆଡକୁ ଫେରାର ହୋଇଯାଇଥିବା କୁହାଯାଉଛି । ତାଙ୍କୁ ସଙ୍ଗେ ସଙ୍ଗେ ସେଠାରୁ ଉଦ୍ଧାର କରାଯାଇ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ପ୍ରାଥମିକ ଚିକିତ୍ସା କରାଯାଇଛି । ସୂଚନା ପାଇବା ପରେ ଝାଡଖଣ୍ଡ ଜଗନ୍ନାଥପୁର ଥାନାଧିକାରୀ ଶିବ ନାରାୟଣ ତିୱାରୀ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ପହଞ୍ଚି ଆହତ ଙ୍କୁ ପଚରାଉଚରା କରିବା ସହ ଘଟଣା ର ତଦନ୍ତ ଆରମ୍ଭ କରିଛନ୍ତି।
